মথনগুৰীত বিজেপি প্ৰাৰ্থী গৌতম দাসৰ জয়লাভ

বিটিচি নিৰ্বাচনৰ ফলাফলত মথনগুৰী সমষ্টিত শেষ হাঁহি মাৰিবলৈ সক্ষম হয় বিজেপিৰ প্ৰাৰ্থীয়ে ৷ বিজেপি প্ৰাৰ্থী গৌতম দাসে তেওঁৰ নিকটতম প্ৰতিদ্বন্দ্বী বিপিএফৰ প্ৰাৰ্থী বেগম আখতাৰা আহমেদক পাঁচ সহস্ৰাধিক ভোটৰ ব্যৱধানত পৰাজিত কৰি নিৰ্বাচিত হৈছে ৷ বিজেপি প্ৰাৰ্থী গৌতম দাসে লাভ কৰে ১৬৪২০ টা ভোট আৰু বিপিএফৰ প্ৰাৰ্থী বেগম আখতাৰা আহমেদে লাভ কৰে ১১৭৯৫ টা ভোট । বিজেপি প্ৰাৰ্থী গৌতম দাসে জয়লাভ কৰি পূৰ্বৰ বিপিএফ চৰকাৰক কঠোৰ সমালোচনা কৰি তেওঁৰ এই জয় ৰাইজৰ জয় বিজেপিৰ কাৰ্যকৰ্তাৰ জয় বুলিও অভিহিত কৰে ৷