World Fisheries day 2022: শিৱসাগৰত বিশ্ব মীন দিৱস পালন

শিৱসাগৰৰ যুৱ দলত আজি মীন বিভাগৰ উদ্যোগত উজনি অসমৰ প্ৰত্যেকখন জিলাৰ মীন বিভাগৰ সহযোগত বিশ্ব মীন দিৱস পালন কৰা হয় (World Fisheries day 2022)। এই অনুষ্ঠানৰ লগত সংগতি ৰাখি PMSSY আঁচনিৰ দুজন হিতাধিকাৰীক তিনিচকীয়া বাহন প্ৰদান কৰাৰ লগতে মীন পালনেৰে স্বাৱলম্বিতাৰ নিদৰ্শন দাঙি ধৰা উজনিৰ বহুকেইজন শ্ৰেষ্ঠ মীন পালকক সম্বৰ্ধনা জনোৱা হয় (World Fisheries day celebrated in Sivsagar)। মীন দিৱসৰ এই অনুষ্ঠানত বিশিষ্ট অতিথি ৰূপে শিৱসাগৰ জিলাৰ উপায়ুক্ত আদিত্য বিক্ৰম যাদৱ উপস্থিত থাকে । লগতে জিলা পৰিষদৰ মুখ্য কাৰ্যবাহী বিষয়া অশ্বিনী কুমাৰ দলে, প্ৰত্যেকখন জিলাৰ মীন বিষয়া, মীন উন্নয়ন বিষয়াৰ লগতে মীন বিভাগৰ কৰ্মচাৰীসকল উপস্থিত থাকে ৷