Accident at Noonmati: নুনমাটিত তীব্ৰবেগী ট্ৰাকৰ খুন্দাত থিতাতে নিহত যুৱক

নিশাৰ মহানগৰীত ট্ৰাক চালকৰ দৌৰাত্ম্য ৷ নুনমাটিৰ নিউ গুৱাহাটীৰ সমীপত নিশা ভয়ংকৰ পথ দুৰ্ঘটনা(Guwahati Accident) ৷ ট্ৰাকৰ খুন্দাত থিতাতে নিহত স্কুটী আৰোহী ৷ নিহত স্কুটী আৰোহী গৰাকী চন্দ্ৰপুৰৰ মিলন নগৰৰ আশীষ দাস বুলি চিনাক্ত ৷ নিশা কৰ্মস্থলীৰ পৰা ঘৰলৈ গৈ থকাৰ পথত NL 01 N 8251 নম্বৰৰ এখন তীব্ৰবেগী ট্ৰাকে তেঁওৰ AS 01 PS 1865 নম্বৰৰ স্কুটীত খুন্দা মৰাৰ ফলতে মৃত্যু হয় যুৱকজনৰ(speeding truck hit scotty) ৷ দুৰ্ঘটনাটো ইমানেই ভয়ংকৰ আছিল যে আশীষ দাসৰ মূৰৰ ওপৰৰে পাৰ হৈ যায় ট্ৰাকখনৰ চকা ৷ ঘটনাস্থলীত আৰক্ষী উপস্থিত হৈ মৰণোত্তৰ পৰীক্ষাৰ বাবে নিশাই মৃতদেহ প্ৰেৰণ কৰে GMCHলৈ ৷ আনহাতে, দুৰ্ঘটনা সংঘটিত কৰা ট্ৰাকখন জব্দ কৰাৰ লগতে আৰক্ষীয়ে আটক কৰে ট্ৰাক চালক জয়নাল নৌসেক ৷