Car theft in Darrang: ঘূৰাই দিয়াৰ প্ৰতিশ্ৰুতি পত্ৰ লিখি গাড়ী লৈ উধাও চোৰ

দৰং, ২৫ এপ্ৰিল: "গাড়ী ৩ দিন পিচত পাবি, হাহাকাৰ নকৰিবি, পুলিচক খবৰ দিলে নাপাবি, কাকোকে নকবি, বেয়া একো কাম নকৰো, টেনশ্যন নলবি ।" এইয়া গাড়ীৰ গৃহস্থৰ প্ৰতি চোৰৰ আহ্বান । দৰঙৰ জনৰাম চকত সংঘটিত হৈছে এক গাড়ী চুৰিৰ ঘটনা । ঘৰৰ পৰাই চোৰে চুৰি কৰি নিলে ন-কৈ ক্ৰয় কৰা ব্ৰীজা বাহন (Car theft in Darrang) ।  

আনকি চোৰে গাড়ী চুৰি কৰি দেৱালত লিখি থৈ গ'ল বিশেষ সতৰ্কবাণী (Incident of car theft in Darrang) । জিলাখনৰ মঙলদৈ আৰক্ষী থানাৰ অন্তৰ্গত জনাৰামচৌকাৰ আব্দুল আজিজ নামৰ লোকজনৰ ঘৰত সংঘটিত হৈছে এই ঘটনা (Thieves warn car owner) । লোকজনে শুই থকা বিচনা কাষৰ পৰাই চাবি আনি চোৰে চুৰি কৰে AS-01-FL-7552 নম্বৰৰ নকৈ ক্ৰয় কৰা এই বাহনখন ।  

ইফালে কিছুদিন পূৰ্বে লোকজনৰ ঘৰৰ পৰা চোৰে লৈ গৈছিল নগদ ধন । ঘটনা সন্দৰ্ভত আৰক্ষীয়ে এই মুহূৰ্তলৈ তদন্ত অব্যাহত ৰাখিছে যদিও কোনো শুংসূত্ৰ উলিয়াবলৈ সক্ষম হোৱা নাই । 

লগতে পঢ়ক: Angkita Dutta Issue: অংকিতা ৰাজনৈতিক মেৰপেঁচত সোমাই পৰিল; মীৰা বৰঠাকুৰ