হিন্দু ধৰ্মত, বসন্ত পঞ্চমীৰ দিনটো অতি গুৰুত্বপূৰ্ণ বুলি কোৱা হয় ৷ এই দিনটোত বিদ্যাৰ অধিষ্ঠাত্ৰী দেৱী মা সৰস্বতীৰ নামত উৎসৰ্গিত ৷ কোৱা হয় যে এই দিনটোত সম্পূৰ্ণ ৰীতি-নীতিৰে মা সৰস্বতীক উপাসনা কৰিলে বুদ্ধিৰ বিকাশ হয় আৰু লগতে পৰিয়ালৰ সুখ-সমৃদ্ধি নিশ্চিত হয় ৷ সেয়েহে বসন্ত পঞ্চমীত জ্ঞান আৰু শিক্ষাৰ দেৱী সৰস্বতীক ঘৰ, কাৰ্যালয় আৰু শিক্ষানুষ্ঠান আদিত পূজা কৰা হয় ৷ বিশ্বাস কৰা হয় যে, সৰস্বতীৰ আশীৰ্বাদ আৰু জ্ঞান লাভ কৰাৰ বাবে এই দিনটো অতি গুৰুত্বপূৰ্ণ ৷ এইবাৰ বসন্ত পঞ্চমীৰ তিথিক লৈ কিছু অনিশ্চয়তা দেখা গৈছে ৷ গতিকে এই বছৰ বসন্ত পঞ্চমী কোন তাৰিখত পৰিছে চাও আহক-
এই বছৰ বসন্ত পঞ্চমী কেতিয়া ?
হিন্দু বৰ্ষপঞ্জী অনুসৰি, মাঘ মাহৰ শুক্ল পক্ষৰ পঞ্চমী তিথি ২ ফেব্ৰুৱাৰীৰ পুৱা ৯:১৪ বজাত আৰম্ভ হ’ব ৷ এই তিথি পিছদিনা, ফেব্ৰুৱাৰী ৩ তাৰিখে পুৱা ৬:৫২ বজাত সমাপ্ত হ’ব ৷ উদয় তিথিৰ মতে, বসন্ত পঞ্চমী উৎসৱ ২ ফেব্ৰুৱাৰীত উদযাপন কৰা হ’ব ৷ বসন্ত পঞ্চমীত দেৱী সৰস্বতীৰ পূজা কৰাৰ শুভ সময় হ’ব ২ ফেব্ৰুৱাৰীৰ পুৱা ৭:০৯ বজাৰ পৰা ১২:৩৫ বজালৈ ৷
সৰস্বতী পূজাৰ বিধি
- বসন্ত পঞ্চমীত, ব্ৰহ্মা মুহুৰ্তৰ সময়ত বিচনীৰ পৰা উঠিব লাগে ৷ তাৰ পিছত দেৱী সৰস্বতীক ধ্যান কৰক ৷
- তাৰ পিছত, গা ধুই হালধীয়া কাপোৰ পিন্ধিব লাগে, কিয়নো হালধীয়া ৰং দেৱীৰ বাবে অতি প্ৰিয় ৷
- তাৰ পিছত, এখন পিৰাত ৰঙা বা হালধীয়া কাপোৰ পাৰি তাৰ ওপৰত দেৱী সৰস্বতীৰ মূৰ্তি বা ফটো ৰাখিব লাগে ৷
- ইয়াৰ পিছত, মাক হালধীয়া কাপোৰ আগবঢ়াব লাগে ৷
- মাক হালধীয়া ফুল, ৰোলি, কেশৰ, হালধি, চন্দন কাঠ আৰু চাউল আগবঢ়াব লাগে ৷
- মাক হালধীয়া চাউল, ফল আৰু মিঠাই প্ৰসাদ আগবঢ়াব লাগে ৷
- মাৰ সন্মুখত ঘিউচাকি জ্বলাব ৷
- দেৱী সৰস্বতীৰ মন্ত্ৰ উচ্চাৰণ কৰিব ৷
- শেষত, মাৰ আৰতি কৰিব লাগে ৷
- তাৰ পিছত প্ৰসাদ বিতৰণ কৰিব লাগে ৷
সৰস্বতী ধ্যান মন্ত্ৰ
- ওম সৰস্বতী ময়া দৃষ্ট্বা, বীণা পুস্তক ধাৰিণীম ৷
- হংস বাহিনী সমাযুক্তা মাং বিদ্যা দান কৰোতু মে ওম ৷
সৰস্বতী বীজ মন্ত্ৰ
- ওম এং সৰস্বতৈ এং নমঃ
বসন্ত পঞ্চমীৰ প্ৰতিকাৰ
যিসকল শিশুৱে পঢ়া মনোযোগ দিব নোৱাৰে তেওঁলোকে বসন্ত পঞ্চমীত দেৱী সৰস্বতীৰ ফটো বা মূৰ্তিৰ সন্মুখত এখন কিতাপ ৰাখি পূজা কৰক ৷ জ্ঞান আৰু বুদ্ধিৰ বাবে মাৰ ওচৰত প্ৰাৰ্থনা জনাওক ৷ এনে কৰিলে বিদ্যা আৰু জ্ঞান প্ৰাপ্তি হয় ৷
লগতে পঢ়ক
