বঙাইগাঁৱৰ ৰামকৃষ্ণ সেৱাশ্ৰমত চুৰি

বঙাইগাঁও, ৩ ডিচেম্বৰ : বঙাইগাঁও চহৰৰ মাজমজিয়াত থকা ৰামকৃষ্ণ সেৱাশ্ৰমত চুৰিকাণ্ড । দেওবাৰে পুৱতি নিশা এই চুৰিৰ ঘটনা সংঘটিত হয় । তলা ভাঙি চোৰ ষ্টোৰ ৰুমত ষ্টোৰ ৰূমত প্ৰৱেশ কৰি চলায় এই তাণ্ডৱ । তিনিটাকৈ আলমীৰা ভাঙি চোৰে লুট কৰি লৈ যায় সোণ আৰু ৰূপৰ অলংকাৰ লগতে পূজাত ব্যৱহাৰ কৰা বিভিন্ন তাম আৰু পিতলৰ সামগ্ৰী । চোৰে লগতে নগদ ৬ হেজাৰ টকা লুট কৰে ।

মন্দিৰ কমিটীৰ এগৰাকী সদস্যই এই সন্দৰ্ভত কয় যে মন্দিৰৰ চকাদাৰৰ কোঠাৰ দুৱাৰ বাহিৰৰ পৰা বান্ধি এই তাণ্ডৱ চলায় চোৰে । ইয়াৰ পিচতেই মন্দিৰ কমিটীয়ে এই বিষয়ে বঙাইগাঁও আৰক্ষীক অৱগত কৰে । পুৱা ঘটনাস্থলীত বঙাইগাঁও আৰক্ষীৰ এটা দল উপস্থিত হৈ তদন্ত আৰম্ভ কৰিছে ।

লগতে পঢ়ক:24 ঘণ্টাৰ অন্তত আৰক্ষীৰ জালত তিনি চোৰ