ডিব্ৰুগড়ৰ চৌকিডিঙি বজাৰত ভয়ংকৰ পথ দুৰ্ঘটনা, শিশুসহ তিনিজন আহত

ডিব্ৰুগড়, 19 নৱেম্বৰ : দেওবাৰে ডিব্ৰুগড়ৰ চৌকিডিঙি বজাৰত ভয়ংকৰ পথ দুৰ্ঘটনা সংঘটিত হয় ৷ ফলত দুগৰাকীকৈ মহিলাসহ এটি শিশু আহত হয় ৷ আহত তিনি গৰাকীক সংকটজনক অৱস্থাত অসম চিকিৎসা মহাবিদ্যালয়লৈ প্ৰেৰণ কৰা হৈছে বুলি জানিব পৰা গৈছে ৷

ঘটনা অনুসৰি, চৌকিডিঙি অভিমুখে তীব্ৰবেগেৰ আহি আছিল এখন আই 20 বাহন ৷ তেনে সময়তে চৌকিডিঙি বজাৰৰ পথৰ দাঁতিত ৰখাই থোৱা এখন মাৰুতি ভানত পিছফালৰ পৰা খুন্দা মাৰে তীব্ৰবেগী আই 20 বাহনখনে ৷ লগতে আই 20 বাহনখনে বজাৰৰ দিশে খোজ কাঢ়ি গৈ থকা অৱস্থাত দুগৰাকী মহিলাসহ শিশুকো মহতিয়াই লৈ যায় । ইফালে ততাতৈয়াকৈ ঘটনাস্থলীত উপস্থিত হয় আৰক্ষী ৷ দুৰ্ঘটনাগ্ৰস্ত আই 20 বাহনখনৰ নম্বৰ AS06W7989 আৰু মাৰুতি ভানখনৰ নম্বৰ AS06F2277 ৷

লগতে পঢ়ক:মৰাণত পথ দুৰ্ঘটনা, ব্যৱসায়ী প্ৰতিষ্ঠানত সোমাল তীব্ৰবেগী বাহন