Hojai Mob lynching: লংকাত চোৰৰ সন্দেহত মৰিয়াই মৰিয়াই এজনক হত্যা

হোজাই,13 আগষ্ট: ধুবুৰী আৰু মৰিগাঁৱৰ পাচত এইবাৰ হোজাইৰ লংকাত গণপ্ৰহাৰৰ ঘটনা ৷ ৰাইজৰ গণ প্ৰহাৰত নিহত হৈছে এজন ৷ ঘটনা অনুসৰি শনিবাৰে নিশা লংকাৰ বামুণ গাঁৱত চোৰৰ সন্দেহত ৰাইজে প্ৰহাৰ কৰে হপিজুৰ ৰহমানক ৷ ৰাইজৰ গণ প্ৰহাৰত নিহত হয় হপিজুৰ ৰহমান ৷ ৰাইজৰ অভিযোগ অনুসৰি ৰাতি হ’লে চোৰে উপদ্ৰব চলাই উক্ত অঞ্চলত ৷ 

যাৰ বাবে গাঁও খনত পহৰা দিয়াৰ ব্যৱস্থা কৰা হৈছিল ৰাইজে ৷ সেয়ে নিশা চোৰৰ সন্দেহত হিপজুৰ ৰহমানক পহৰাৰত লোকে কৰায়ত্ব কৰি মাৰপিট কৰে ৷ ৰাইজৰ প্ৰহাৰত নিহত হয় হিপজুৰ ৰহমান ৷

ইফালে উক্ত ঘটনাৰ সন্দৰ্ভত পাঁচজনকৈ লোকক আটক কৰিছে লংকা আৰক্ষীয়ে ৷ আটকাধীন লোক কেইজন সঞ্জয় দাস, নিখিল দাস, তুলেন্দ্ৰ দাস, উত্তম চক্ৰৱৰ্তী, জয়ন্ত চক্ৰৱৰ্তী আৰু সঞ্জু মজুমদাৰ বুলি জানিব পৰা গৈছে । ইতিমধ্যে লংকা আৰক্ষী ঘটনাস্থলীত উপস্থিত হৈ তদন্ত অব্যাহত ৰাখিছে ।

লগতে পঢ়ক:Drugs seized in Hojai: হোজাইত ড্ৰাগছসহ দুই মহিলা আৰু এজন যুৱকক আটক