Summer cricket camp in Majuli: মাজুলীত গ্ৰীষ্মকালীন ক্ৰিকেট শিৱিৰৰ সফল সামৰণি

মাজুলী,২ আগষ্ট: অসম ক্ৰিকেট সন্থাৰ সহযোগত মাজুলী জিলা ক্রিকেট সন্থাৰ উদ্যোগত অনুষ্ঠিত হোৱা গ্ৰীষ্মকালীন ক্ৰিকেট শিৱিৰৰ সফল সামৰণি । মাজুলী কমলাবাৰী ৰাজীৱ গান্ধী ক্ৰিয়া প্ৰকল্পত অনুষ্ঠিত হৈছিল এই গ্ৰীষ্মকালীন ক্ৰিকেট শিৱিৰৰ । যোৱা ১৬ জুলাই পৰা অনুষ্ঠিত হোৱা এই শিৱিৰৰ সামৰণি অনুষ্ঠানত উপস্থিত থাকে মাজুলীৰ বিধায়ক ভুৱন গাম ।  

বিভিন্ন সময়ত মাজুলী ক্ৰিকেট সন্থাই মাজুলীৰ ক্ৰিকেট খেলুৱৈসকলৰ উত্তৰণৰ বাবে বিভিন্ন ধৰণৰ প্ৰদক্ষেপ হাতত লৈ আহিছে । এইবাৰ এই ক্ৰিকেট শিৱিৰত ল'ৰাৰ সমান্তৰালকৈ বহুসংখ্যক ছোৱালীয়েও অংশগ্ৰহণ কৰিছিল । মাজুলীৰ লৰা ক্ৰিকেট দলক বিভিন্ন সময়ত ৰাষ্ট্ৰীয় পৰ্যায়ত খেলিবলৈ নিয়াৰ লগতে এইবাৰ ছোৱালী খেলুৱৈসকলৰ এটা ভাল খেলুৱৈ দল গঠন কৰে সন্থাই ।  

যাৰ জৰিয়তে ছোৱালী ক্ৰিকেট খেলুৱৈসকলে পৰৱৰ্তী সময়ত ৰাষ্ট্ৰীয় পৰ্যায়ত খেলিব পৰাকৈ গঢ়ি তুলি সন্থাই খেলাৰ সুবিধা প্ৰদান কৰিব বুলি জানিবলৈ দিয়ে উদ্যোক্তাসকলে । আনহাতে উক্ত অনুষ্ঠানত উপস্থিত থাকি বিধায়কগৰাকীয়ে উঠি অহা এই খেলুৱৈসকলক শুভেচ্ছা জ্ঞাপন কৰে । 

লগতে পঢ়ক: Trade Fair in Guwahati: মাইৰাৰ উদ্যোগত বিশেষ বাণিজ্য মেলা