Vendors thrash guard at India Gate : ইণ্ডিয়া গেটৰ নিৰাপত্তাৰক্ষীক আক্ৰমণ অবৈধ ব্যৱসায়ীৰ

দেশৰ ৰাজধানী দিল্লীৰ ইণ্ডিয়া গেটত উত্তেজনাময় পৰিৱেশ (India Gate incident)। একাংশ ব্যৱসায়ীয়ে আক্ৰমণ কৰিলে ইণ্ডিয়া গেটৰ নিৰাপত্তাৰক্ষীক । ব্যৱসায়ীসকলে নিৰাপত্তাৰ দায়িত্বত থকা এজনক প্ৰহাৰ কৰাৰ ভিডিঅ' ভাইৰেল হৈ পৰিছে (Vendors attack security guard at India Gate)। জানিব পৰা মতে ঘটনাটো ইণ্ডিয়া গেট কমপ্লেক্সৰ শিশু উদ্যানৰ । অভিযোগ অনুসৰি উক্ত স্থানত খাদ্য সামগ্ৰী বিক্ৰী কৰাৰ অনুমতি নাছিল । কিন্তু একাংশ ব্যৱসায়ীয়ে তাত অবৈধভাৱে খাদ্য সামগ্ৰী বিক্ৰী কৰি থকাত নিৰাপত্তাৰক্ষীয়ে বাধা দিছিল । ইয়াৰ পাছতে নিৰাপত্তাৰক্ষী আৰু ব্যৱসায়ীসকলৰ মাজত কাজিয়াৰ সূত্ৰপাত হয় । একাংশ ব্যৱসায়ীয়ে লাঠিৰেও প্ৰহাৰ কৰে এগৰাকী নিৰাপত্তাৰক্ষীক । উদ্ধাৰ কৰিবলৈ অহা একাংশ নিৰাপত্তাৰক্ষীও আঘাতপ্ৰাপ্ত হয় । আৰক্ষীয়ে এই সন্দৰ্ভত এটা গোচৰ ৰুজু কৰিছে আৰু অভিযুক্তসকলক চিনাক্ত কৰাৰ চেষ্টা চলাইছে । আৰক্ষীয়ে জনোৱা মতে, এই ঘটনাত মুঠ ৫ গৰাকী নিৰাপত্তাৰক্ষী আহত হৈছে ।