Road accident at Manikpur: মাণিকপুৰত ভয়ংকৰ পথ দুৰ্ঘটনাত নিহত চালক

মাণিকপুৰ, ২৯ মাৰ্চ : বঙাইগাঁও জিলাৰ মাণিকপুৰৰ ৩১ নং ৰাষ্ট্ৰীয় ঘাইপথত মঙলবাৰে সংঘটিত হয় এক ভয়ংকৰ পথ দুৰ্ঘটনা (Road accident at Manikpur)। এই পথ দুৰ্ঘটনাত থিতাতে নিহত হয় এজন ট্ৰাক চালক । জিলাখনৰ মানিকপুৰ আৰক্ষী থানাৰ অন্তৰ্গত ৩১ নং ৰাষ্ট্ৰীয় ঘাইপথৰ মাণিকপুৰ তিনিআলিত নিয়ন্ত্ৰণ হেৰুৱাই NL01 N 6289 নম্বৰ ট্ৰাকখনে ডিভাইডাৰত থকা গছত খুন্দা মাৰে (Accident in Bongaigaon)। ফলত থিতাতে নিহত হয় ট্ৰাকখনৰ চালক দীপেন বৰ্মণ ।

বৰপেটা দিশৰ পৰা বঙাইগাঁও অভিমুখী চিমেন্ট ভৰ্তি ট্ৰাকখনে নিয়ন্ত্ৰণ হেৰুৱাই গছত খুন্দিওৱাৰ ফলত ট্ৰাকখনৰ বিস্তৰ ক্ষতিসাধন হয় । এই দুৰ্ঘটনাত হেণ্ডিমেনজন গুৰুতৰভাবে আহত হয় । পিছত আৰক্ষীয়ে তেওঁক ততাতৈয়াকৈ মাণিকপুৰ মহাত্মাগান্ধী আদৰ্শ চিকিৎসালয়লৈ প্ৰেৰণ কৰে (Manikpur Mahatma Gandhi Model Hospital)। ইতিমধ্য়ে চালকজনৰ মৃতদেহটো মৰণোত্তৰ পৰীক্ষাৰ বাবে বঙাইগাঁওলৈ প্ৰেৰণ কৰা হৈছে । নিহত চালকজনৰ ঘৰ পশ্চিম বংগৰ আলিপুৰত বুলি জানিব পৰা গৈছে ।

লগতে পঢ়ক:Mexico Fire : মেক্সিকোত ভয়ংকৰ অগ্নিকাণ্ডত নিহত ৩৮ প্ৰব্ৰজনকাৰী, নিৰাপত্তাৰক্ষীৰ গাফিলতিৰ অভিযোগ