Road accident: ধেমাজি বৰদলনিত পথ দুৰ্ঘটনাত নিহত এক

ধেমাজি, ২২ এপ্ৰিল: ধেমাজি জিলাৰ বৰদলনি আৰক্ষী চকীৰ সমীপত শিঙিজানৰ ১৫নং ৰাষ্ট্ৰীয় ঘাইপথত শনিবাৰে সংঘটিত হয় এক ভযংকৰ পথ দুৰ্ঘটনা (Road accident at Dhemaji)৷ ঘটনাৰ বিৱৰণি অনুসৰি, নিয়ন্ত্ৰণ হেৰুৱাই এখন এম্বুলেন্স ভান আৰু ট্ৰাকৰ মাজত মুখামুখি প্ৰচণ্ডভাৱে সংঘৰ্ষ হয় (Road accident at Bordaloni)।  

জানিব পৰা মতে, ডিব্ৰুগড় অভিমুখি ASO7BC6277 নম্বৰ এম্বুলেন্স আৰু AS12BC5211 নম্বৰৰ ট্ৰাকৰ মাজত সংঘৰ্ষ হোৱাত থিতাতে নিহত হয় এম্বুলেন্সখনৰ চালক । নিহত চালকজন লখিমপুৰ জিলাৰ চাবতিৰ চৌখামৰ মৃদুল বৰা (২১)। এই দুৰ্ঘটনাত লগতে এম্বুলেন্সত অহা বিৰাজ তামুলী নামৰ আন এজন লোকক সংকটজনক অৱস্থাত স্থানীয় ৰাইজে চিকিৎসালয়লৈ প্ৰেৰণ কৰে ৷ ইপিনে, ট্ৰাকখনৰ চালকজনৰ বিষয়ে জানিব পৰা হোৱা নাই ৷

লগতে পঢ়ক:Drug dealer injured: পুনৰ গৰজিল আৰক্ষীৰ আগ্নেয়াস্ত্ৰ; আহত ড্ৰাগছ সৰবৰাহকাৰী