Death body in Dibrugarh: নলাত উদ্ধাৰ ৰে’লৱে’ কৰ্মচাৰীৰ মৃতদেহ

ডিব্ৰুগড়, 7 ছেপ্টেম্বৰ : ডিব্ৰুগড় চহৰত বুধবাৰে নিশা উদ্ধাৰ হয় এটা মৃতদেহ । চহৰখনৰ নিজ মানকটাস্থিত বাবুল সোণোৱাল নামৰ এজন 55 বছৰীয়া ব্যক্তিৰ মৃতদেহ উদ্ধাৰ হোৱাক লৈ চাঞ্চল্য সৃষ্টি হৈছে । বুধবাৰে নিশা নলাত উদ্ধাৰ হৈছে মৃতদেহটো ।

জানিব পৰা মতে, ডিব্ৰুগড় বাণীপুৰ ৰে’লৱে ষ্টেচনৰ অস্থায়ী কৰ্মচাৰী হিচাপে কৰ্মৰত আছিল বাবুল সোণোৱাল ৷ বাবুল সোণোৱালৰ পুত্ৰই সংবাদ মাধ্যমৰ আগত উল্লেখ কৰা অনুসৰি, মঙলবাৰৰ সন্ধিয়াৰ ভাগত তেওঁ নামঘৰত আছিল বুলি ফোন কৰি ঘৰত জনাইছিল ৷

মঙলবাৰে বহু পৰলৈকে ঘৰলৈ উভতি অহা নাছিল বাবুল ৷ তেতিয়াৰ পৰাই সন্ধানহীন হৈ আছিল তেওঁ । বহু বিচাৰ-খোচাৰ কৰি থকাৰ পিচতো কোনোধৰণৰ সম্ভেদ লাভ কৰিব পৰা নাছিল বাবুল সোণোৱালৰ । কিন্তু বুধবাৰে নিশা অতি ৰহস্যজনকভাৱে এটা নলাৰ পৰা উদ্ধাৰ কৰা হয় ৰে’লৱে ষ্টেচনৰ কৰ্মচাৰীজনৰ মৃতদেহ ৷

লগতে পঢ়ক : Kataria left Majuli: দুদিনীয়া মাজুলী ভ্ৰমণ সামৰি বিশেষ ফেৰীৰে গুৱাহাটীলৈ ৰাওনা ৰাজ্যপাল কাটাৰিয়া