Eid al Adha 2023:ঈদৰ পূৰ্বে উত্তপ্ত বঙালমৰা

বিহপুৰীয়া, 28 জুন: বৃহস্পতিবাৰে ইছলাম ধৰ্মাৱলম্বী লোকসকলৰ পবিত্ৰ ঈদ ।  ঈদ উপলক্ষে বুধবাৰে দিনটোত বঙালমৰা সাপ্তাহিক বজাৰত এখন বিশেষ গৰু বজাৰ বহিছিল ।

উক্ত বজাৰ সন্দৰ্ভত খবৰ লাভ কৰে জিলা আয়ুক্তই ৷ জিলা আয়ুক্তই বজাৰত উপস্থিত হৈ বন্ধ কৰে বিশেষ গৰুৰ বজাৰখন । ইয়াৰ পিছতে বঙালমৰা আৰক্ষীয়ে গৰুসমূহ জব্দ কৰি বঙালমৰা আৰক্ষী চকী আৰু বিহপুৰীয়া আৰক্ষী থানালৈ লৈ যায় । প্ৰশাসনে বজাৰ বন্ধ কৰি গৰুসমূহ জব্দ কৰাত উক্ত স্থানত সৃষ্টি হয় এক উত্তপ্ত পৰিস্থিতি ।  

একাংশ লোকে প্ৰশাসনৰ বিৰুদ্ধে প্ৰতিবাদ সাব্যস্ত কৰে । পৰৱৰ্তী সময়ত গৰুৰ গৰাকীসকলক নিজৰ গৰুসমূহ বিচাৰি বঙালমৰা আৰক্ষী চকীত ভিৰ কৰে ।  

বজাৰ সমিতিয়ে ঈদ উপলক্ষে বৃহস্পতিবাৰৰ পৰিৱৰ্তে বুধবাৰৰ দিনটোত বজাৰ বহিব বুলি মাইক যোগে প্ৰচাৰ কৰাতহে বজাৰলৈ গৰুসমূহ লৈ আহিছিল বুলি গৰুৰ গৰাকীসকলে মন্তব্য কৰে ।

লগতে পঢ়ক:Meghalaya Cabinet amendment: মেঘালয়ত বাস নকৰা গাৰো লোকে এতিয়াৰে পৰা আবেদন কৰিব নোৱাৰিব ৰাজ্যখনৰ চৰকাৰী চাকৰিৰ বাবে