Actor Riju Dutta death : চিৰনিদ্ৰাত বিশিষ্ট অভিনেতা ৰিজু দত্ত

মৰিগাঁও, 10 নৱেম্বৰ : চিৰনিদ্ৰাত বিশিষ্ট অভিনেতা ৰিজু দত্ত ৷ উচ্চ ৰক্তচাপজনিত ৰোগত আক্ৰান্ত হৈ গুৱাহাটীৰ এখন ব্যক্তিগত চিকিৎসালয়ত কিছুদিন চিকিৎসাধীন হৈ আছিল অভিনেতাগৰাকী ৷ চিকিৎসাধীন অৱস্থাতে বৃহস্পতিবাৰে পুৱাৰ ভাগত শেষ নিশ্বাস ত্যাগ কৰে অভিনেতাগৰাকীয়ে ৷  

অভিনেতাগৰাকীৰ নশ্বৰ দেহ জাগীৰোডস্থিত নিজ ঘৰলৈ লৈ অনাৰ পাচতে শ্ৰদ্ধাঞ্জলি জনোৱাৰ উদ্দেশ্যৰে অজস্ৰ গুণমুগ্ধৰ লগতে বিভিন্ন দল সংগঠনৰ লোক উপস্থিত হয় । ভ্ৰাম্যমাণ জগতৰ এগৰাকী বলিষ্ঠ অভিনেতাৰ লগতে এগৰাকী সুদক্ষ নাট্যকৰ্মী আছিল ৰিজু দত্ত ৷ কেইবাখনো অসমীয়া চলচ্চিত্ৰৰ লগতে ভালেসংখ্যক ধাৰাবাহিকত অভিনয় কৰি দৰ্শকৰ দৃষ্টি আকৰ্ষণ কৰিবলৈ সক্ষম হোৱা ৰিজু দত্তৰ মৃত্যুৰ সময়ত বয়স আছিল মাত্ৰ 51 বছৰ ৷

মৃত্যুৰ সময়ত মাতৃ, পত্নী, পুত্ৰ, কন্যা, আত্মীয়-কুটুম্বৰ লগতে বহু গুণমুগ্ধক এৰি থৈ যায় ৷ তেখেতৰ মৃত্যুত সমগ্ৰ জাগীৰোডত শোকৰ ছাঁ পৰিছে ৷

লগতে পঢ়ক: AASU Age Controversy : বয়সৰ ভৰ ল’ব পৰা নাই আছুৱে ! এইবাৰ বিদায় মাগিবনে ড° সমুজ্জ্বল কুমাৰ ভট্টাচাৰ্যই ?