Road accident : ভয়ংকৰ পথ দুৰ্ঘটনাত নিহত যুৱক

বৰপেটা, 16 মে’ : কলগাছিয়াৰ ক্ষুদ্ৰকুছি গাঁৱত 2 নং বিকল্প ৰাজ্যিক ঘাইপথত মঙলবাৰৰ পুৱাই সংঘটিত হয় এক ভয়ংকৰ পথ দুৰ্ঘটনা । দুৰ্ঘটনাটোত এজন যুৱকৰ মৃত্যু ঘটে । জানিব পৰা মতে, কলগাছিয়া আৰক্ষী থানাৰ অন্তৰ্গত ক্ষুদ্ৰকুছি গাঁৱত 2 নং বিকল্প ৰাজ্যিক ঘাইপথেৰে আহিছিল তীব্ৰ বেগী বাইকখন (Road accident in Barpeta) ৷

দুৰ্ঘটনাটোৰ ফলত মৃত্যু ঘটে ছাইদুল ইছলাম (28) নামৰ এজন যুৱকৰ ৷ ধুবুৰীৰ পৰা কলগাছিয়াৰ ক্ষুদ্ৰকুছিৰ মাজেৰে গুৱাহাটী অভিমুখে ইণ্টাৰভিউৰ বাবে নিজৰ বাইকখনেৰে গৈ আছিল ছাইদুল ইছলাম নামৰ যুৱকজনে ৷ ইয়াৰ পিচতে বাইকখনে নিয়ন্ত্ৰণ হেৰুৱাই ৰাস্তাৰ কাষত থকা গছত খুন্দা মাৰি বাগৰি পৰে । লগে লগে স্থানীয় ৰাইজে দুৰ্ঘটনাত পতিত হোৱা যুৱকজনক 108 এম্বুলেন্সযোগে কলগাছিয়াৰ বৰপেটা অসামৰিক চিকিৎসালয়ত ভৰ্তি কৰে যদিও চিকিৎসকে মৃত বুলি ঘোষণা কৰে (One Youth died in road accident) ।

লগতে পঢ়ক :  SI Junmoni Rabha: শােকাৱহ পথ দুৰ্ঘটনাত আৰক্ষী বিষয়া জোনমণি ৰাভাৰ মৃত্যু