সন্ধানহীন হৈ থকা ব্যক্তিৰ মৃতদেহ উদ্ধাৰ

য়েন কালিকাহে লাগিছে নামদাং নদীত ৷ ইটোৰ পিছত সিটো মৃতদেহ উদ্ধাৰ হৈছে নদীখনত ৷ সোমবাৰে পুনৰ শিৱসাগৰ জিলাৰ নামতি আৰক্ষী থানাৰ অন্তৰ্গত নামদাং নদীত সন্ধানহীন হৈ থকা এজন ব্যক্তিৰ মৃতদেহ উদ্ধাৰ কৰা হয় (Body Recovered in Sivasagar)৷ মৃতদেহটো নামতি আৰক্ষী থানাৰ অন্তৰ্গত হুদুপাৰা অভয়াপুৰীয়াৰ ব্ৰজেন গগৈৰ(৩৪) বুলি চিনাক্ত কৰা হৈছে (Body Recovered of missing man)৷ যোৱা সোমবাৰে নিজ কন্যাক স্কুলত থৈ নিজৰ চাহ বাগিচালৈ যোৱাৰ পিছৰ পৰাই সন্ধানহীন হৈ আছিল ব্যক্তিজন। স্থানীয় লোকৰ ভাষ্যমতে নিজৰ চাহ বাগিচালৈ যোৱাৰ সময়তে নামদাং নদীৰ ওপৰত থকা বাঁহৰ সাঁকো পাৰ হ'বলৈ চেষ্টা কৰোঁতেই তেওঁ পিছলি পৰে নদীখনত ৷ আজি পুৱা এগৰাকী স্থানীয় মহিলাই ব্ৰজেন গগৈৰ মৃতদেহটো ঘটনাস্থলীৰ পৰা কিছু নিলগত খঙীয়া গাঁৱৰ সমীপত নামদাং নদীত ওপঙি থকা প্ৰত্যক্ষ কৰে ৷ ঘটনাস্থলীত নামতি আৰক্ষীৰ লগতে এচ ডি আৰ এফ বাহিনী উপস্থিত হৈ মৃতদেহটো উদ্ধাৰ কৰে ৷ মৃত ব্ৰজেন গগৈয়ে পিতৃৰ লগতে পত্নী আৰু এগৰাকী সাত বছৰীয়া কন্যাক ইহসংসাৰত এৰি থৈ গৈছে ৷ সৰবৰহী যুৱকজনৰ মৃত্যুত সমগ্ৰ অঞ্চলত শোকৰ ছাঁ পৰিছে ।