হায়দৰাবাদ: ভাৰত আৰু ইংলেণ্ডৰ মাজত অব্যাহত থকা পাঁচখন খেলৰ টি-20 শৃংখলাৰ তৃতীয়খন খেল ৰাজকোটৰ নিৰঞ্জন শ্বাহ ষ্টেডিয়ামত মঙলবাৰে অনুষ্ঠিত হৈছে ।
ভাৰতৰ অধিনায়ক সূৰ্যকুমাৰ যাদৱে টছত জয়ী হৈ ইংলেণ্ডক প্ৰথমে বেটিং কৰিবলৈ আমন্ত্ৰণ জনায় । ভাৰতীয় ক্ৰিকেট অনুৰাগীসকলৰ বাবে এই খেলখন অতি গুৰুত্বপূৰ্ণ ৷ কিয়নো সুদীৰ্ঘ বিৰতিৰ মূৰত 22 গজৰ খেলখনলৈ প্ৰত্যাৱ্ৰতন ঘটাইছে ভাৰতীয় দ্ৰুত বলাৰ মহম্মদ ছামীয়ে ৷
দললৈ প্ৰত্যাৱৰ্তন মহম্মদ ছামীৰ
এই খেলখনৰ বাবে টীম ইণ্ডিয়াই প্লেয়িং-11 ত বৃহৎ পৰিৱৰ্তন কৰা দেখা যায় ৷ দলটোৰ দ্ৰুত বলাৰ মহম্মদ ছামীয়ে প্ৰায় 14 মাহৰ বিৰতিৰ পিছত দললৈ প্ৰত্যাৱৰ্তন ঘটায় । খেলুৱৈগৰাকীয়ে অষ্ট্ৰেলিয়াৰ বিৰুদ্ধে 2023 চনৰ 19 নৱেম্বৰত তেওঁৰ অন্তিমখন খেলত অংশগ্ৰহণ কৰিছিল ৷ যিখন আছিল আই চি চি এদিনীয়া বিশ্বকাপ 2023 ৰ অন্তিমখন খেল ৷ এই খেলখনত অষ্ট্ৰেলিয়াৰ হাতত পৰাজিত হৈছিল ভাৰত ।
🚨 Toss Update from Rajkot 🚨#TeamIndia have elected to bowl against England in the 3⃣rd #INDvENG T20I.
— BCCI (@BCCI) January 28, 2025
Updates ▶️ https://t.co/amaTrbtzzJ@IDFCFIRSTBank pic.twitter.com/Dg321U3AQ6
ইয়াৰ পিছতে আঘাতৰ সমস্যাত ভোগা ছামীৰ অস্ত্ৰোপচাৰ সম্পন্ন হয় আৰু ফিটনেছ ঘূৰাই পোৱাৰ পিছত ক্ৰিকেটাৰগৰাকীয়ে ঘৰুৱা ক্ৰিকেটত পশ্চিমবংগৰ হৈ অংশগ্ৰহণ কৰে ৷ অৱশেষত টীম ইণ্ডিয়ালৈ উভতি আহে ক্ৰিকেটাৰগৰাকী । টীম মেনেজমেণ্টে অৰ্শদীপ সিঙৰ ঠাইত ছামীক প্লেয়িং-11 ত খেলিবলৈ সুযোগ প্ৰদান কৰে ।
MOHAMMAD SHAMI PLAYING TONIGHT.
— Mufaddal Vohra (@mufaddal_vohra) January 28, 2025
- Welcome back, Shami. 🇮🇳 pic.twitter.com/9u2Oh4gEtc
মহম্মদ ছামীয়ে 2022 চনৰ 10 নৱেম্বৰত ভাৰতৰ হৈ অন্তিমখন টি-20 খেল খেলিছিল । এই খেলখন অষ্ট্ৰেলিয়াৰ এডিলেইডত ইংলেণ্ডৰ বিৰুদ্ধে অনুষ্ঠিত হৈছিল ।
ভাৰত আৰু ইংলেণ্ডৰ প্লেয়িং-11
ভাৰত: সঞ্জু চেমছন (উইকেটকীপাৰ), অভিষেক শৰ্মা, সূৰ্যকুমাৰ যাদৱ (অধিনায়ক), তিলক বাৰ্মা, হাৰ্দিক পাণ্ডিয়া, ৱাশ্বিংটন সুন্দৰ, ধ্ৰুৱ জুৰেল, অক্ষৰ পেটেল, ৰবি বিষ্ণৈই, মহম্মদ ছামী আৰু বৰুণ চক্ৰৱৰ্তী ।
🚨 Team News
— BCCI (@BCCI) January 28, 2025
Mohd. Shami picked in the Playing XI as #TeamIndia make 1⃣ change to the line-up 🔽
Updates ▶️ https://t.co/amaTrbtzzJ#INDvENG | @IDFCFIRSTBank pic.twitter.com/zKTKBk8yL3
ইংলেণ্ড: বেন ডাকেট, ফিলিপ চল্ট (উইকেটকীপাৰ), জছ বাটলাৰ (অধিনায়ক), হেৰী ব্ৰুক, লিয়াম লিভিংষ্টোন, জেমি স্মিথ, জেমি অভাৰটন, ব্ৰাইডন কাৰ্চে, জোফ্ৰা আৰ্চাৰ, আদিল ৰছিদ আৰু মাৰ্ক উড ।
লগতে পঢ়ক: গোংগাড়ি তৃষাৰ শতকৰে স্কটলেণ্ডৰ বিৰুদ্ধে জয়লাভ ভাৰতৰ
