Fire at Tingkhong : নৱবৰ্ষৰ প্ৰাকক্ষণত টিংখাঙত ভয়ংকৰ অগ্নিকাণ্ড

নৱবৰ্ষৰ প্ৰাকক্ষণত ডিব্ৰুগড় জিলাৰ টিংখাঙৰ শলগুৰি তিনিআলিত সংঘটিত হয় ভয়ংকৰ অগ্নিকাণ্ডৰ ঘটনা । শনিবাৰে পুৱতি নিশা সংঘটিত হোৱা অগ্নিকাণ্ডটোত জাহ গ'ল দুখনকৈ দোকান (Fire at Tingkhong) । জোন লাহন আৰু ভৱ লাহন নামৰ ব্যক্তি দুগৰাকীৰ দোকানত সংঘটিত হয় এই অগ্নিকাণ্ডৰ ঘটনা । অগ্নিকাণ্ডটোৰ ফলত দুয়োখন দোকানৰ সকলো সামগ্ৰী সম্পূৰ্ণৰূপে জাহ যায় (Fire incident in Dibrugarh)। পুৱতি নিশা সংঘটিত হোৱা এই ঘটনা কোনো দুষ্কৃতিকাৰীয়ে সংঘটিত কৰা বুলি সন্দেহ কৰিছে দোকান দুখনৰ স্বত্বাধিকাৰীয়ে । দোকানৰ সা-সামগ্ৰী চুৰি কৰাৰ পাছতে কোনো দুষ্কৃতিকাৰীয়ে দোকান কেইখনত অগ্নি সংযোগ কৰা বুলি সন্দেহ কৰিছে স্থানীয় ৰাইজে ।