Fire in Dibrugarh: ডিব্ৰুগড়ৰ পানী মিৰি গাঁৱত ভয়ংকৰ অগ্নিকাণ্ড

ডিব্ৰুগড়,৬ নৱেম্বৰ: ডিব্ৰুগড়ৰ কলাখোৱা পানী মিৰি গাঁৱত ভয়ংকৰ অগ্নিকাণ্ড । অগ্নিকাণ্ডত ভস্মীভূত হয় চাৰিটাকৈ বাসগৃহ । কলাখোৱা পানী মিৰি গাঁৱৰ গুৰু প্ৰসাদ মিলি, শিৱ মিলি, পবিত্ৰ মিলি, আৰু হিৰেণ মিলিৰ বাসগৃহ ভস্মীভূত হয় । ঘটনাৰ পাছতে দুখনকৈ অগ্নিনিৰ্বাপক বাহিনীৰ বাহনে অগ্নি নিৰ্বাপনৰ চেষ্টা চলাই বহু সময়ৰ পাছত জুই নিয়ন্ত্ৰণ কৰিবলৈ সক্ষম হয় ।  

অগ্নিকাণ্ডৰ কাৰণ বৰ্তমানলৈ জানিব পৰা হোৱা নাই । ঘৰত গৃহস্থ উপস্থিত নথকা সময়ত সংঘটিত হয় এই অগ্নিকাণ্ড । অগ্নিকাণ্ডৰ ফলত কোনো লোক আহত হোৱা নাই যদিও অগ্নিকাণ্ডৰ ফলত চাৰিটাকৈ পৰিয়ালৰ বহু নথি-পত্ৰৰ লগতে কেইবা লক্ষাধিক টকাৰ সা-সামগ্ৰী ভস্মীভূত হয় । দিন দুপৰতে সংঘটিত এই ঘটনাই তীব্ৰ উত্তেজনাৰ সৃষ্টি কৰিছে ডিব্ৰুগড়ৰ কলাখোৱাত ।  

লগতে পঢ়ক: Fire in Barbari area: শ্বৰ্ট চাৰ্কিট নোহোৱাকৈয়ে পাচলি বজাৰত কেনেকৈ লাগিল জুই ?