Magic driver tries to molest girl: যুৱতীক শ্লীলতা হানিৰ চেষ্টা মেজিক চালকৰ; স্থানীয় ৰাইজে শোধালে উত্তম-মধ্যম

গোলাঘাট,১৮ অক্টোবৰ: কাতি বিহুৰ দিনটোতেই গোলাঘাটৰ মাজমজিয়াত লজ্জাজনক ঘটনা ৷ যাত্ৰীবাহী মেজিকত আহি থকা এগৰাকী যুৱতীক অসৎ কাৰ্য্য সংঘটিত কৰিবলৈ অপচেষ্টা কৰাৰ অভিযোগত অভিযুক্ত চালকক উত্তম-মধ্যম শোধালে ৰাইজে ৷ মৰঙি চাৰিআলিৰ পৰা গোলাঘাটলৈ মেজিকত আহি থকা অৱস্থাত মেজিকখনৰ চালক বাবু দাস নামৰ লোকজনে অসৎ কাৰ্য কৰিবলৈ লোৱাৰ অভিযোগ প্ৰত্যক্ষদৰ্শীৰ ৷  

তাৰ পিছতেই মেজিকখনত আহি থকা যুৱতীগৰাকীয়ে চিঞৰ-বাখৰ কৰাত স্থানীয় লোকে যুৱতীগৰাকীক উদ্ধাৰ কৰি ঘটনাস্থলীৰ পৰা চালক বুবু দাসক আটক কৰি গোলাঘাট থানালৈ লৈ যায় ৷ বৰ্তমান যুৱতীগৰাকীৰ পৰিয়ালৰ লোকে গোলাঘাট আৰক্ষী থানাত উপস্থিত হৈ দাখিল কৰে এজাহাৰ ৷ উল্লেখ্য যে গোলাঘাট চহৰত একাংশ মেজিক চালকে উদ্ভণ্ডালি চলোৱা বুলি সততে অভিযোগ উত্থাপন হোৱাৰ সময়তে এই ঘটনাই চিন্তিত কৰি তুলিছে সচেতন মহলক । 

লগতে পঢ়ক: Tragic incident in Majuli: চাপৰিৰ পৰা গাখীৰ আনিবলৈ যোৱাই কাল হ’ল ছাত্ৰৰ