Municipal Worker beaten in Sivasagar: পৌৰসভাৰ চাফাই কৰ্মীক প্ৰহাৰ মেজিক চালকৰ, গুৰুতৰভাৱে আঘাতপ্ৰাপ্ত পৌৰকৰ্মী

শিৱসাগৰ, 24 জুলাই : পুনৰ চৰ্চাত শিৱসাগৰ পৌৰসভা ৷ পুৱাই কৰ্তব্যৰ সময়ত কৰ্মৰত চাফাই কৰ্মীক প্ৰহাৰ কৰিলে মেজিক চালকে ৷ ন্যায় নোপোৱা পৰ্যন্ত কৰ্মবিৰতি ঘোষণা চাফাই কৰ্মীৰ ৷ উত্তৰ পূৰ্বাঞ্চলৰ ভিতৰত দুবাৰকৈ স্বচ্ছতাৰ বঁটা পোৱা শিৱসাগৰ পৌৰসভাৰ জাৱৰ সংগ্ৰহ কৰা এজন চাফাই কৰ্মীক আজি অৰ্থাৎ 24 জুলাইৰ পুৱা কৰ্মৰত অৱস্থাত এজন মেজিক চালকে প্ৰহাৰ কৰে ৷ মেজিকৰ চাবিৰে কৰা প্ৰহাৰত চাফাই কৰ্মীজনে সোঁ হাতত গুৰুতৰভাৱে আঘাতপ্ৰাপ্ত হয় ৷

জানিব পৰামতে পৌৰসভাৰ বাহনখনে জাৱৰ উঠাই থকাৰ সময়তেই মেজিক এখনে আহি পৌৰ কৰ্মীজনক খুন্দিয়াই ৷ তেতিয়া মেজিক চালক আৰু পৌৰ কৰ্মীজনৰ মাজত বাক-বিতণ্ডাৰ সৃষ্টি হয় ৷ মেজিক চালকজনে অতৰ্কিতে হাতত থকা ছাবিৰে পৌৰকৰ্মীজনক প্ৰহাৰ কৰাৰ লগতে মুখত ঘোচা মাৰে ৷    

ইতিমধ্যে পৌৰসভাৰ কাৰ্যবাহী বিষয়া নিমাশ্ৰী ডাওকাই এই গোটেই বিষয়টো গুৰুত্ব সহকাৰে লৈ এজাহাৰ দাখিল কৰাৰ কথাও সংবাদ মাধ্যমৰ আগত প্ৰকাশ কৰিছে । আনফালে শাওণ মাহক কেন্দ্ৰ কৰি শিৱ দলত মাহ ধৰি চলি থকা ব'ল ব'মৰ বাবে একাংশ ভক্তই নিতৌ লেতেৰা কৰাৰ বাবে নগৰৰখন কৰ্দযময় হৈ উঠিছে  ৷ 

আঘাত প্ৰাপ্ত চাফাই কৰ্মীজনৰ হৈ ন্যায় বিচাৰি জাৱৰ সংগ্ৰহ কৰা চাফাই কৰ্মীসকলে উচিত ন্যায় নোপোৱা পৰ্যন্ত পুৰণা পৌৰসভাৰ কাৰ্যালয়ৰ সন্মুখত জাৱৰৰ গাড়ীৰ সৈতে কৰ্মবিৰতি অটুট ৰখাৰ হুংকাৰ প্ৰদান কৰে ৷

লগতে পঢ়ক: Birds die of posioning: খেতিপথাৰত কীটনাশক মিহলাই শশ চৰাই নিধন