Newly established HSLC Exam center : নকৈ স্থাপিত B 23-0904 নম্বৰৰ কেন্দ্ৰত অৱতীৰ্ণ 301 গৰাকী মেট্ৰিক পৰীক্ষাৰ্থী

জনীয়া, 3 মাৰ্চ : আজি অৰ্থাৎ বৃহস্পতিবাৰৰ পৰা আৰম্ভ হৈছে মেট্ৰিক পৰীক্ষা (HSLC examination 2023)। সমগ্ৰ অসমৰ লগতে কলগাছিয়াৰ দক্ষিণ ৰূপসী হাইস্কুলত নতুনকৈ স্থাপন কৰা পৰীক্ষা কেন্দ্ৰত অনুষ্ঠিত হৈছে হাইস্কুল শিক্ষান্ত পৰীক্ষা, 2023 । আজি নতুনকৈ স্থাপন কৰা পৰীক্ষা কেন্দ্ৰটোত ৰঙা ফিটা কাটি অনুষ্ঠানটোৰ শুভ উদ্বোধন কৰে বৰপেটা জিলাৰ জিলা পৰিষদৰ উপ সভাপতি শ্বামচুল হকে ।

নতুনকৈ মুকলি হোৱা পৰীক্ষা কেন্দ্ৰক লৈ ছাত্ৰ-ছাত্ৰীৰ লগতে অভিভাৱক আৰু স্থানীয় ৰাইজৰ মাজত এক আনন্দমুখৰ পৰিৱেশে বিৰাজ কৰা পৰিলক্ষিত হয় । তথ্য অনুসৰি, দক্ষিণ ৰূপসী হাইস্কুলত স্থাপিত B 23-0904 নম্বৰৰ কেন্দ্ৰটোত 301 গৰাকী মেট্ৰিক পৰীক্ষাৰ্থীয়ে পৰীক্ষাত অৱতীৰ্ণ হৈছে ৷

প্ৰতিদিনাই সুস্থ আৰু শৃংখলাবদ্ধভাবে পৰীক্ষা অনুষ্ঠিত হ’ব বুলি আশা কৰিছে বিদ্যালয়খনৰ অধ্যক্ষগৰাকীৰ লগতে কেন্দ্ৰ পৰিচালনা সমিতিয়ে । ইফালে কলগাছিয়াৰ কে কে পাঠক উচ্চতৰ মাধ্যমিক বিদ্যালয়, গুনিয়ালগুৰি উচ্চতৰ মাধ্যমিক বিদ্যালয়, বালাগাঁও, টি এন ডি, বৰভিটা উচ্চতৰ মাধ্যমিক বিদ্যালয়, খৰিচালা উচ্চতৰ মাধ্যমিক বিদ্যালয়, মইনবৰি উচ্চতৰ মাধ্যমিক বিদ্যালয় আৰু বালিকুৰি উচ্চতৰ মাধ্যমিক বিদ্যালয়তো অনুষ্ঠিত হৈছে মেট্ৰিক পৰীক্ষা ।

আজি জনীয়াৰ বিধায়ক ৰফিকুল ইছলামে নতুনকৈ স্থাপন কৰা পৰীক্ষা কেন্দ্ৰটোত পুৱাই উপস্থিত হৈ বিদ্যালয়খন পৰিদৰ্শন কৰি পৰিস্থিতিৰ বুজ লয় ৷ লগতে নতুনকৈ স্থাপন কৰা পৰীক্ষা কেন্দ্ৰটোলৈ অহা প্ৰত্যেকগৰাকী ছাত্ৰ-ছাত্ৰীক শুভেচ্ছা জ্ঞাপন কৰে বিধায়কগৰাকীয়ে ।

আজিৰে পৰা অনুষ্ঠিত হোৱা অসম মাধ্যমিক শিক্ষা পৰিষদৰ অধীনত মেট্ৰিক অৰ্থাৎ হাইস্কুল শিক্ষান্ত পৰীক্ষা (HSLC examination starting today)ত অৱতীৰ্ণ হৈছে মুঠ ৪ লাখ ২৩ হাজাৰ পৰীক্ষাৰ্থী । নতুন শিক্ষা নীতিৰ আধাৰত অনুষ্ঠিত হৈছে এইবাৰৰ হাইস্কুল শিক্ষান্ত পৰীক্ষা (HSLC examination under new education policy)।

পূৰ্বৰ তুলনাত এইবাৰ ৯ টা পৰীক্ষা কেন্দ্ৰ বৃদ্ধি কৰাত এই নতুন কেন্দ্ৰকেইটাকে ধৰি অসমৰ মুঠ ৯১২ টা কেন্দ্ৰত অনুষ্ঠিত হৈছে এইবাৰৰ মেট্ৰিক পৰীক্ষা ৷ এই ৯ টা পৰীক্ষা কেন্দ্ৰৰ ভিতৰত আছে দক্ষিণ ৰূপসী হাইস্কুলত স্থাপিত B 23-0904 নম্বৰৰ কেন্দ্ৰটো ৷

লগতে পঢ়ক : HSLC examination starting today : মুঠ ৪,২২,১৭৪ প্ৰাৰ্থী অৱতীৰ্ণ হ'ব এইবাৰৰ মেট্ৰিক পৰীক্ষাত