Bhumidhar Burman death anniversary: নলবাৰীত প্ৰাক্তন মুখ্যমন্ত্ৰী ভূমিধৰ বৰ্মনৰ দ্বিতীয় মৃত্যু বাৰ্ষিকী পালন

নলবাৰী, 18 এপ্ৰিল: দুবছৰ হ'ল ভূমিধৰ বৰ্মন বিহীন অসম কংগ্ৰেছৰ । বৰ্ষীয়ান নেতাগৰাকীৰ বিয়োগৰ আজি দুটা বছৰ সম্পূৰ্ণ হ’ল । অসমৰ ৰাজনীতিৰ অভিভাৱক সদৃশ নেতা গৰাকীৰ আজি দ্বিতীয় মৃত্যুবাৰ্ষিকীত শ্ৰদ্ধাৰে সোঁৱৰে নলবাৰীবাসীয়ে । সৰ্বধৰ্ম প্ৰাৰ্থনাৰে শ্ৰদ্ধাঞ্জলি অনুষ্ঠানেৰে সকলোৱে সোঁৱৰে জ্যোষ্ঠ নেতাজনক (Former Chief Minister Bhumidhar Burman) ।

নলবাৰীৰ কাপলাবড়ীত প্ৰাক্তন মুখ্যমন্ত্ৰী প্ৰয়াত ডাঃ ভূমিধৰ বৰ্মনৰ দ্বিতীয় মৃত্যু বাৰ্ষিকী উপলক্ষে এক শ্ৰদ্ধাঞ্জলি অনুষ্ঠান অনুষ্ঠিত হয় । কাপলাবড়ীস্থিত ভূমিধৰ বৰ্মনৰ বাসগৃহত পুত্ৰ তথা বৰক্ষেত্ৰীৰ বিধায়ক দিগন্ত বৰ্মনে শ্ৰদ্ধাঞ্জলি অনুষ্ঠান অনুষ্ঠিত কৰে । শ্ৰদ্ধাঞ্জলি অনুষ্ঠানত সৰ্বধৰ্ম প্ৰাৰ্থনাৰে তেখেতৰ আত্মাৰ চিৰশান্তি কামনা কৰে । প্ৰয়াত নেতাগৰাকীৰ প্ৰতিচ্ছবিৰ সন্মুখত বন্তি প্ৰজ্বলন, মাল্যাৰ্পণেৰে শ্ৰদ্ধাঞ্জলি জনায় ডাঃ ভূমিধৰ বৰ্মনৰ শুভাকাংক্ষী তথা দলীয় কাৰ্যকৰ্তা সকলে (Bhumidhar Burman death anniversary) ।

উল্লেখযোগ্য যে, প্ৰয়াত ডাঃ ভূমিধৰ বৰ্মনে বৰক্ষেত্ৰী বিধানসভা সমষ্টিত পাঁচবাৰকৈ বিধায়ক হিচাপে প্ৰতিনিধিত্ব কৰিছিল । অসম চৰকাৰৰ বিভিন্ন বিভাগৰ মন্ত্ৰীত্ব লাভ কৰি উন্নয়নমূলক কামেৰে ৰাইজৰ সেৱা আগবঢ়াইছিল । প্ৰয়াত হিতেশ্বৰ শইকীয়াৰ চৰকাৰত কিছুদিনৰ বাবে অসমৰ মুখ্যমন্ত্ৰী হিচাপেও কাৰ্যভাৰ গ্ৰহণ কৰিছিল । এগৰাকী অভিজ্ঞ ৰাজনীতিবীদ হিচাপে কংগ্ৰেছ দলক সুদীৰ্ঘ কাল নেতৃত্ব দিয়া নেতাগৰাকীয়ে ২০২১ চনৰ ১৮ এপ্ৰিলত শেষ নিশ্বাস ত্যাগ কৰিছিল (Bhumidhar Burman second death anniversary) ।

লগতে পঢ়ক : Father request ulfa chief: আলফা স্বাধীনৰ বিহুৰ ভিডিঅ’ই কান্দোনৰ ৰোল তুলিছে এখন ঘৰত