Drugs seized in Dibrugarh: ডিব্ৰুগড়ত আটক তিনি ড্ৰাগছ সৰবৰাহকাৰী

ডিব্ৰুগড়,২৫ জুন: ড্ৰাগছ সৰবৰাহৰ বিৰুদ্ধে আৰক্ষীয়ে অভিযান তীব্ৰতৰ কৰি তুলিছে যদিও ড্ৰাগছ সৰবৰাহৰ লগতে ড্ৰাগছ সেৱনকাৰীৰ সংখ্যা হ্ৰাস কৰিবলৈ সক্ষম হোৱা নাই । ড্ৰাগছৰ বিৰুদ্ধে আৰক্ষীৰ অভিযানৰ মাজতে ডিব্ৰুগড় মোহনবাৰীত ৰাইজে ড্ৰাগছসহ তিনি জন যুৱকক আটক কৰি গতালে আৰক্ষীক ।  

স্থানীয় ৰাইজৰ সহযোগত সদৌ অসম মটক যুৱ-ছাত্ৰ পৰিষদৰ ডিব্ৰুগড় জিলা সমিতি আৰু লাহোৱাল আঞ্চলিক সমিতিয়ে নিশা লাহোৱাল আৰক্ষী থানাৰ অন্তৰ্গত মোহনবাৰী তিনিআলিত ড্ৰাগছ সহ তিনিজন যুৱকক ধৰি আৰক্ষীক গতাই দিয়ে । ধৃত যুৱক কেইজনে বহু বছৰৰ পৰা ড্ৰাগছ সেৱন কৰাৰ লগতে ৰমৰমীয়া ব্যৱসায় চলাই থকাৰ গুৰুতৰ অভিযোগ উত্থাপন হৈছে ।  

যুৱককেইজনৰ নাম ক্ৰমে অভিজিৎ গগৈ, ৰমাকান্ত চেতিয়া আৰু ৰাহুল ৱাঙপান । উক্ত যুৱককেইজনৰ পৰা হিৰোইন ৪ গ্ৰাম, গাঞ্জা ১৫ গ্ৰাম, ৩টা মোবাইলৰ লগতে এখন বাহন AS23 AB 4266 নম্বৰৰ বাহন উদ্ধাৰ কৰে । সমগ্ৰ ঘটনাক লৈ আৰক্ষীয়ে আৰম্ভ কৰিছে তদন্ত । 

লগতে পঢ়ক: Interview with Iman Kalyani Oja : NID ৰ বাছনি পৰীক্ষাত ৪২ সংখ্যক লাভ ইমন কল্যানী ওজাৰ