সাংবাদিক পাৰ্থজ্যোতি দাসৰ বাসগৃহত সাংস্কৃতিক সাংবাদিক সন্থা

মিৰ্জা,৭ জানুৱাৰী: যোৱা ৩০ ডিচেম্বৰত মহানগৰীৰ ধাৰাপুৰত ভয়াৱহ দুৰ্ঘটনাত নিহত হোৱা যুৱ সাংস্কৃতিক সাংবাদিক পাৰ্থজ্যোতি দাসৰ বাসগৃহত উপস্থিত হৈ শোকসন্তপ্ত পৰিয়ালক সমবেদনা জনায় সাংস্কৃতিক সাংবাদিক সন্থা অসমৰ সদস্যসকলে । সাংস্কৃতিক সাংবাদিক সন্থা অসমৰ শিবাণু বৰা, গৌতম শৰ্মা, অচ্যুত কুমাৰ পাটোৱাৰী আৰু অনুপম হাজৰিকা উপস্থিত হৈ শোকসন্তপ্ত পৰিয়ালক সমবেদনা জ্ঞাপন কৰাৰ লগতে সংগঠনৰ ফালৰ পৰা শোকবাৰ্তা আৰু আৰ্থিক অনুদান আগবঢ়ায় ।

উল্লেখ্য যে, পৰিয়ালৰ একমাত্ৰ উপাৰ্জনকাৰী নোহোৱাত এতিয়া আলৈ আথানি হৈছে ঘৰখনৰ । যাৰবাবে উচ্চ শিক্ষাৰে শিক্ষিত পাৰ্থৰ কনিষ্ঠ ভগ্নীক সংস্থাপন আৰু মৃতকৰ পৰিয়ালক চৰকাৰী সহায়ৰ বাবে আহ্বান জনায় সাংস্কৃতিক সাংবাদিক সন্থা অসমে । লগতে পাৰ্থজ্যোতি দাসৰ মৃত্যুৰ এক উচিত ন্যায় দাবী কৰে সাংস্কৃতিক সাংবাদিক সন্থা অসমে । 

লগতে পঢ়ক: সাংবাদিকক অপদস্থ কৰা জিলা আয়ুক্তক অপসাৰণৰ দাবীত প্ৰতিবাদ