গোংগাড়ি তৃষাৰ শতকৰে স্কটলেণ্ডৰ বিৰুদ্ধে জয়লাভ ভাৰতৰ

India vs Scotland U19 womens team: অনুৰ্ধ-19 মহিলা বিশ্বকাপত শতক অৰ্জন ভাৰতীয় খেলুৱৈৰ ৷ স্কটলেণ্ডৰ বিৰুদ্ধে 150 ৰাণত জয় লাভ ভাৰতৰ ৷

হায়দৰাবাদ: সম্প্ৰতি আই চি চি অনুৰ্ধ-19 মহিলা টি-20 বিশ্বকাপত ব্যস্ত আছে ভাৰতীয় মহিলা ক্ৰিকেট দলটো ৷ নিকি প্ৰসাদৰ অধিনায়কত্বত অনুৰ্ধ-19 দলটোৱে শেহতীয়াকৈ স্কটলেণ্ডৰ বিৰুদ্ধে সৰ্ববৃহৎ জয় সাব্যস্ত কৰে ৷

এই জয়ে দলটোৰ ছেমি ফাইনেলৰ পথ প্ৰশস্ত কৰে ৷ ভাৰতৰ হৈ গোংগাড়ি তৃষাই অনুৰ্ধ-19 মহিলা টি-20 বিশ্বকাপত প্ৰথমটো শতক অৰ্জন কৰে ৷

India flex their muscles with a statement victory against Scotland ahead of the #U19WorldCup semi-final 💪

➡️ https://t.co/1s19nAR2sR pic.twitter.com/NCBiz56fF8

— ICC (@ICC) January 28, 2025

150 ৰাণত পৰাস্ত স্কটলেণ্ড

মেচখনত প্ৰথমে বেটিং কৰা ভাৰতে 20 অভাৰত এটা উইকেট হেৰুৱাই সংগ্ৰহ কৰে 208 ৰাণৰ বিশাল স্ক'ৰ ৷ প্ৰত্যুত্তৰত স্কটলেণ্ডে 14 অভাৰত মাত্ৰ 58 ৰাণতে হেৰুৱাই আটাইকেইটা উইকেট । ভাৰতে মেচখনত 150 ৰাণৰ বৃহৎ ব্যৱধানত জয়লাভ কৰে ৷

Ladies & Gentlemen, let's hear it for G Trisha, the first centurion of the ICC Women's U19 World Cup 2025. 👏👏

Updates ▶️ https://t.co/feBJlxclkZ pic.twitter.com/6dOJFAhdBB

— BCCI Women (@BCCIWomen) January 28, 2025

গোংগাড়ি তৃষাৰ দৰ্শনীয় শতক

ভাৰতৰ হৈ গোংগাড়ি তৃষাই দৰ্শনীয় শতক অৰ্জন কৰি দলৰ জয়ত মুখ্য ভূমিকা পালন কৰে ৷ যাৰ বাবে ক্ৰিকেটাৰগৰাকীক প্ৰদান কৰা হয় প্লেয়াৰ অৱ দ্য মেচৰ বঁটা ৷ তৃষাই এই খেলখনত ভাৰতৰ হৈ ইনিংছ মুকলি কৰি খেলৰ শেষলৈকে ক্ৰিজত বৰ্তি আছিল ৷

খেলুৱৈগৰাকীয়ে 59 টা বলত 186.44 ৰ ষ্ট্ৰাইক ৰেটৰ সৈতে অপৰাজিত 110 ৰাণৰ ইনিংছ খেলে । তৃষাৰ ইনিংছটোত আছিল 13 টা চাৰি আৰু 4 টা ছয় ৷

তিনিটাকৈ উইকেট দখল তৃষাৰ

তৃষাৰ উপৰিও জি কামালিনীয়ে 9 টা চাৰিৰ সহায়ত 42 টা বলত 51 ৰাণৰ অৰ্ধশতক অৰ্জন কৰে । তদুপৰি ছানিকা চালকে 5 টা চাৰিৰ সহায়ত 20 টা বলত 29 ৰাণৰ অৱদান আগবঢ়ায় ৷ যাৰ বাবে ভাৰতে সৰ্বমুঠ 208 ৰাণ সংগ্ৰহ কৰিবলৈ সক্ষম হয় ।

স্কটলেণ্ডৰ মাত্ৰ 4 গৰাকী বেটছমেনে ৰাণ সংগ্ৰহৰ ক্ষেত্ৰত দুটা অংকৰ সীমা অতিক্ৰম কৰিবলৈ সক্ষম হৈছিল । এই খেলখনত আয়ুষী শুক্লাই ভাৰতৰ হৈ 4 টা উইকেট, বৈষ্ণৱী শৰ্মা আৰু গোংগাড়ি তৃষাই 3 টাকৈ উইকেট দখল কৰে ।

An unbeaten 💯
3⃣-wicket haul 👌

For her brilliant all-round performance, G Trisha bagged the Player of the Match award as #TeamIndia sealed a 1⃣5⃣0⃣-run win over Scotland 👏 👏

Scorecard ▶️ https://t.co/feBJlxclkZ#INDvSCO | #U19WorldCup pic.twitter.com/OGOnhg1w3k

— BCCI Women (@BCCIWomen) January 28, 2025

মুঠৰ ওপৰত মেচখনত বেটে-বলে উজলি উঠিছিল তৃষা ৷ মাত্ৰ 2 অভাৰত 6 ৰাণ ব্যয় কৰিয়েই 3 টাকৈ উইকেট দখল কৰিছিল ক্ৰিকেটাৰগৰাকীয়ে ।

এই জয়লাভৰ পিছত প্ৰতিযোগিতাখনৰ গ্ৰুপ পৰ্যায়ত শীৰ্ষস্থান দখল কৰে ভাৰতে ৷ অৰ্থাৎ গ্ৰুপ 1-ত 3 খন মেচৰ আটাইকেইখনত জয়লাভেৰে ভাৰত শীৰ্ষস্থানত থকাৰ বিপৰীতে অষ্ট্ৰেলিয়া আছে দ্বিতীয় স্থানত ৷ আনহাতে, দক্ষিণ আফ্ৰিকাই গ্ৰুপ 2 ৰ শীৰ্ষত আৰু ইংলেণ্ডে দ্বিতীয় স্থানত আছে ।

লগতে পঢ়ক: নামানে তালিবানৰ নিষেধাজ্ঞা ! ক্ৰিকেট খেলিবই আফগানিস্তানৰ ক্ৰিকেটাৰে