Body recovered in Rangia: ৰঙিয়াৰ বৰলীয়া নৈত অচিনাক্ত মৃতদেহ উদ্ধাৰ

ৰঙিয়া, ১৬ জুলাই: ৰঙিয়াৰ বৰলীয়া নৈত মৃতদেহ উদ্ধাৰ । ৰঙিয়া নগৰৰ বনগাঁৱৰ ৰে'ল দলঙৰ সমীপত প্ৰাতঃভ্ৰমণলৈ অহা স্থানীয়লোকে প্ৰত্যক্ষ কৰে অচিনাক্ত লোকজনৰ মৃতদেহ । বৰলীয়া নৈত তলমূৰকৈ পৰি আছিল মৃতদেহটো। স্থানীয়লোকে লগে লগে খবৰ দিয়ে ৰঙিয়া আৰক্ষীক । আৰক্ষী ঘটনাস্থলীত উপস্থিত হৈ স্থানীয় লোকৰ সহায়ত মৃতদেহটো পানীৰ পৰা উদ্ধাৰ কৰে ।  

একাংশ স্থানীয় লোকে সন্দেহ কৰে যে মৃতদেহটো বৰলীয়া নৈত উটি আহিছে । আনহাতে, মৃতদহটো প্ৰত্য়ক্ষ কৰি দুদিনমান পূৰ্বে লোকজনৰ মৃত্যু হোৱাৰ সন্দেহ কৰা হৈছে । মৃতদেহটো অৰ্ধ উলংগ অৱস্থাত উদ্ধাৰ হোৱাৰ পিছত তীব্ৰ চাঞ্চল্যৰ সৃষ্টি হৈছে ৰঙিয়াত । বৰ্তমানলৈকে লোকজনৰ পৰিচয় জানিব পৰা হোৱা নাই যদিও বয়স ৪০ উৰ্ধৰ হ'ব বুলি অনুমান কৰিছে আৰক্ষীয়ে । মৃত লোকজনক কোনোৱে হত্যা কৰি নৈত পেলাই দিছে নে এয়া দুৰ্ঘটনা সেয়া বৰ্তমানেও ৰহস্যৰ আৱৰ্তত । 

লগতে পঢ়ক:Two body recovered: ডুমডুমাত নৈৰ দাঁতিত মাটিত পোত যোৱা অৱস্থাত দুটাকৈ মৃতদেহ উদ্ধাৰ