টিংখাঙৰ ৰাজপথত নিশা আবতৰীয়া দীপাৱলী, বিজেপি কৰ্মীৰ আনন্দ উল্লাস

ডিব্ৰুগড়, 4 ডিচেম্বৰ : ছত্তীশগড় আৰু ৰাজস্থানত কংগ্ৰেছক উৎখাত কৰি বিজেপিয়ে গঠন কৰিব চৰকাৰ ৷ সমান্তৰালকৈ মধ্যপ্ৰদেশত পূৰ্বতকৈ অধিক শক্তিশালী হোৱাত অধিক উৎসাহী হৈ পৰিছে বিজেপিৰ শীৰ্ষ নেতৃত্বৰ লগতে দলীয় কৰ্মীসকল ৷ ইফালে তিনি ৰাজ্যৰ বিধানসভা নিৰ্বাচনত বিজেপিৰ বৃহৎ জয়ৰ পাচতে অসমত বিজেপি কৰ্মীসকলৰ মাজত দেখা গৈছে ব্যাপক উচাহ ৷ ৰাজ্যৰ বিভিন্ন প্ৰন্তৰ লগতে টিংখাঙতো বিজেপিৰ কৰ্মীসকলে আনন্দ উল্লাহ প্ৰকাশ কৰা দেখা গ’ল ৷

দেওবাৰে নিশাৰ ভাগত টিংখাঙৰ ৰাজপথত দেখা গ’ল আবতৰীয়া দীপাৱলী ৷ বিজেপি জিন্দাবাদ, নৰেন্দ্ৰ মোদী জিন্দাবাদ, ভাৰত মাতা কি জয় আদি ধ্বনিৰে টিংখাঙৰ আকাশ বতাহ কঁপাই তোলে বিজেপিৰ কৰ্মীসকলে ৷ আনহাতে, বিজয় উৎসৱত বিজেপিৰ ৰাজ্যিক সম্পাদক বিকুল ডেকা, বিজেপি মিডিয়া কোষৰ ৰাজ্যিক সহকাৰী আহ্বায়ক বিষ্ণু কোচৰ লগতে শতাধিক নেতা কৰ্মীয়ে অংশগ্ৰহণ কৰে ।

লগতে পঢ়ক : ৰাজনৈতিক পথাৰত মোদীক প্ৰতিদ্বন্দিতা কৰিব পৰা কোনো নেতা নাই: চক্ৰধৰ গগৈ