Attempt to kidnap: বিদ্যালয়লৈ যোৱা ছাত্ৰক অপহৰণ

কৰিমগঞ্জ, 19 অক্টোবৰ : কৰিমগঞ্জত চাঞ্চল্যকৰ ঘটনা । অপহৰণকাৰীৰ কবলৰ‌ পৰা কথমপি প্ৰাণ ৰক্ষা পৰিল এটি নাবালক ছাত্ৰ । কৰিমগঞ্জৰ কাঠাখাল সৰস্বতী বিদ্যা নিকেতনৰ সপ্তম শ্ৰেণীৰ এজন ছাত্ৰক অজ্ঞাত অপহৰণকাৰীয়ে অট’ ৰিক্সাত উঠাই অপহৰণ কৰি লৈ গৈছিল । তাৰ পিচত ছাত্ৰজন সময়মতে ঘৰলৈ উভতি নহাত পৰিয়ালৰ লোকৰ মাজত হাহাকাৰ পৰিস্থিতিৰ সৃষ্টি হয় ৷ 

পৰিয়ালৰ লোকে বিচাৰ খোচাৰ কৰাৰ পিচত সন্ধিয়াৰ ভাগত ছাত্ৰজনক পুলিচ ৰিজাৰ্ভৰ কাষৰ পৰা উদ্ধাৰ কৰা হয় । ছাত্ৰজনক পৰিয়ালৰ লোকে সোধা পোছা কৰোঁতে ছাত্ৰগৰাকীয়ে জনাইছিল যে, মুখত মাস্ক পৰিধান কৰা এজন‌ অট’ ৰিক্সাৰ চালকে মুখত ৰুমাল দি অজ্ঞান কৰি জংঘলৰ ভিতৰত লৈ গৈছিল । কিছু সময়ৰ পিচতে ছাত্ৰগৰাকীয়ে সাৰ পাই নিজকে জংঘলৰ মাজক দেখি হতবাক হয় ৷ তাৰ পিচতে ছাত্ৰজনে জংঘলৰ পৰা কোনোমতে পলাই আহে । 

ইতিমধ্যে ছাত্ৰগৰাকীক লগত লৈ বুধবাৰে সন্ধিয়া পৰিয়ালৰ লোকে কৰিমগঞ্জ সদৰ‌ আৰক্ষী থানাত এক গোচৰ দাখিল কৰিছে ৷

লগতে পঢ়ক: Mahabhairab Co operative Bank: অত্যাধিক ঋণৰ বোজা: মহাভৈৰব কো-অপাৰেটিভৰ লেনদেন বন্ধ কৰিলে ৰিজাৰ্ভ বেংকে