তিনিচুকীয়াত আজি ৰাজ্য চৰকাৰৰ কেবিনেট বৈঠক

তিনিচুকীয়া, ১ ডিচেম্বৰ: আজি তিনিচুকীয়াত অনুষ্ঠিত হ'ব ৰাজ্য চৰকাৰৰ গুৰুত্বপূৰ্ণ কেবিনেট বৈঠক ৷ তিনিচুকীয়া জিলাৰ গেলাপুখুৰীৰ বাইপাছৰ কাষত থকা কনভেনচন চেন্টাৰত দিনৰ ১ বজাৰ অনুষ্ঠিত হ’ব কেবিনেট বৈঠক ৷ ইতিমধ্যে তিনিচুকীয়া বিভিন্ন হোটেলত কেবিনেট মন্ত্ৰীসকলে শিৱিৰ পাতি আছে ।

দিনৰ ১ বজাৰ লগে লগে তিনিচুকীয়াত আহি উপস্থিত হ’ব ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ লগতে কেবিনেট মন্ত্ৰীসকলে ৷ কেবিনেট বৈঠকৰ সামৰণিৰ পাছতে মুখ্যমন্ত্ৰী ড৹ হিমন্ত বিশ্ব শৰ্মাই খেল মহাৰণ কাৰ্যসূচী সন্দৰ্ভত এক আলোচনাত মিলিত হোৱাৰ লগতে সন্ধিয়া ৭ বজাত তিনিচুকীয়া জিলা ক্ৰীড়া সন্থাৰ খেলপথাৰত আয়োজিত মুখ্যমন্ত্ৰীৰ চাহ বাগিচা স্বৰ্ণকাপ ফুটবল প্ৰতিযোগিতাৰ চূড়ান্ত খেলত উপস্থিত থাকিব । মুখ্যমন্ত্ৰী ড৹ হিমন্ত বিশ্ব শৰ্মাই  নিশাটো তিনিচুকীয়াতে অতিবাহিত কৰিব ৷

লগতে পঢ়ক:1 ডিচেম্বৰত তিনিচুকীয়াত অনুষ্ঠিত হ’ব ৰাজ্য চৰকাৰৰ কেবিনেট বৈঠক