Assam BJP internal clash: ভাৰতীয় জনতা পাৰ্টীয়ে সদায় জ্যেষ্ঠ জনক সন্মান কৰে; ভৱেশ কলিতা

নলবাৰী, 20 আগষ্ট : "ভাৰতীয় জনতা পাৰ্টিত কোনো জ্যেষ্ঠ-কণিষ্ঠ নাথাকে ৷ আমি জ্যেষ্ঠসকলক সদায় সন্মান কৰোঁ ৷ এই দল কাৰ্যকৰ্তাৰ দ্বাৰা নিৰ্মিত এটা দল ৷" এই মন্তব্য ৰাজ্যিক বিজেপিৰ সভাপতি ভৱেশ কলিতাৰ ৷ দেওবাৰ এক দলীয় কাৰ্যসূচীৰে নলবাৰীত উপস্থিত হৈ এনেদৰে মন্তব্য কৰে ৰাজ্যিক বিজেপিৰ সভাপতিগৰাকীয়ে ৷

তেওঁ কয় যে, ভাৰতীয় জনতা পাৰ্টীয়ে সদায় জ্যেষ্ঠ জনক সন্মান কৰে ৷ সকলোকে সমাহিত কৰি, সকলোৰে লগত সম্পৰ্ক ৰাখি বিজেপি দলটো পৰিচালিত হয় ৷ ইয়াত কাকো অৱহেলা, অপমান কৰা নহয় ৷ দেওবাৰে নলবাৰীত উপস্থিত হৈ এই মন্তব্য কৰে বিজেপিৰ ৰাজ্যিক সভাপতি ভৱেশ কলিতাই ৷

উল্লেখ্য যে, নলবাৰী জিলা বিজেপিৰ কাৰ্যালয়ত দেওবাৰে অনুষ্ঠিত হয় পশ্চিম অসম মাণ্ডলিক সাংগঠনিক জিলাসমূহৰ জিলা পৰিষদৰ সদস্য আৰু স্বায়ত্ত্ব শাসিত পৰিষদৰ পাৰিষদসকলৰ প্ৰশিক্ষণ শিবিৰ ৷ এই অনুষ্ঠানত উপস্থিত থাকে সাংসদ দিলীপ শইকীয়াৰ লগতে দলৰ ৰাজ্যিক সভাপতি ভৱেশ কলিতা ৷

লগতে পঢ়ক : Rajen Gohain: মুখ্যমন্ত্ৰীৰ অনুৰোধত নিজে অমিত শ্বাহৰ সাক্ষাৎ বিচাৰি দিল্লীলৈ ৰাওনা ৰাজেন গোহাঁই