Army jawan died: কৰ্মৰত অৱস্থাতে সেনা জোৱানৰ আকস্মিক মৃত্যু

চামগুৰি, 31 অক্টোবৰ : এগৰাকী সেনা জোৱানৰ মৃত্যুক লৈ সমগ্ৰ পুৰণিগুদামত পৰিছে শোকৰ ছাঁ । পুৰণিগুদাম বৰা চুকৰ ৰেৱতী ৰঞ্জন বৰা নামৰ এজন সেনা জোৱানৰ কৰ্তব্যৰত অৱস্থাতেই মৃত্যু ঘটে ৷

প্ৰাপ্ত খবৰ অনুসৰি, উচ্চ ৰক্তচাপজনিত সমস্যাত অসুস্থ হৈ পৰে সেনা জোৱানজন । পৰৱৰ্তী সময়ত মগজুত অত্যাধিক ৰক্তক্ষৰণ হোৱাৰ বাবে মৃত্যুক সাৱটি লবলগীয়া হয় সেনা জোৱানজনে । 

নিজৰ দেশ মাতৃক ৰক্ষা কৰা স্বাৰ্থত ১৯৯৮ চনতে সেনাজোৱানৰ চাকৰিত যোগদান কৰিছিল ৰেৱতী ৰঞ্জন বৰাই । মৃত্যুৰ সময়ত তেওঁৰ বয়স আছিল ৫৩ বছৰ ৷ অতি কম বয়সতে নিজ পত্নী টুটুমণি বৰা আৰু দুই সন্তান বিভূতি ৰঞ্জন বৰা আৰু অলকা ৰঞ্জন বৰাক এৰি থৈ অজান দেশলৈ গুচি গ’ল ৰেৱতী ৰঞ্জন বৰা ৷

লগতে পঢ়ক : A Documentary on Tiger:‘Guest of Kamakhya’ কি আছে এই বিশেষ ডকুমেণ্টৰীখনত ?