Cattle smugglers arrested in Nagaon: নগাঁও আৰক্ষীৰ জালত দুই চোৰাং গৰু সৰবৰাহকাৰী

নগাঁও,৪ অক্টোবৰ: ৰাজ্যত অব্যাহত আছে চোৰাং গৰু সৰবৰাহ । মধ্য অসমেৰে চোৰাং গৰু সৰবৰাহকাৰীয়ে প্ৰায়েই আৰক্ষীৰ চকুত ধূলি দি অব্যাহত ৰাখিছে গৰুৰ সৰবৰাহ । এইবাৰ নগাঁৱত i10 বাহনত গৰু সৰবৰাহ কৰি আৰক্ষীৰ জালত পৰিল দুই চোৰাং গৰু সৰবৰাহকাৰী ৷ ধৃত চোৰাং গৰু সৰবৰাহকাৰী দুটা ক্ৰমে ৰছিদুল ইছলাম আৰু হাবুল ৰহমান ৷  

দুইটাৰে ঘৰ চামগুৰি সোণাৰিবালিত ৷ AS02J4989 নম্বৰৰ i10 বাহন খনেৰে তিনিটাকৈ পশুধন মেঘালয়লৈ চোৰাংকৈ সৰবৰাহ কৰাৰ চেষ্টা চলাইছিল ৷ নগাঁৱৰ হয়বৰগাঁৱত আৰক্ষীয়ে চোৰাং গৰু সহ দুই সৰবৰাহকাৰীক গ্ৰেপ্তাৰ কৰাৰ লগতে জব্দ কৰে i10 বাহনখন ৷ নগাঁৱৰ ৰূপহীহাট, জুৰীয়া, চামগুৰি আদি অঞ্চলৰ পৰা মেঘালয়হৈ বাংলাদেশলৈ প্ৰায়েই চোৰাংভাৱে পশুধন সৰবৰাহ হৈ থকাৰ অভিযোগ উত্থাপন হৈছে ৷

লগতে পঢ়ক: Drive against child marriage:বাল্য বিবাহৰ বিৰুদ্ধে বঙাইগাঁও সদৰ আৰক্ষীৰ অভিযান