ডুমডুমাৰ টিপুকত বাইক আৰু অট’ৰ মাজত মুখামুখি সংঘৰ্ষ, আহত 2

তিনিচুকীয়া, 27 নৱেম্বৰ : দেওবাৰে নিশা ডুমডুমাৰ টিপুকত এক পথ দুৰ্ঘটনা সংঘটিত হয় ৷ এখন বাইক আৰু অট’ৰ মাজত মুখামুখি সংঘৰ্ষৰ ফলতে এই দুৰ্ঘটনা সংঘটিত হয় বুলি জানিব পৰা গৈছে ৷ ফলত দুজনকৈ লোক আহত হৈছে ৷ আহত দুজন ওম প্ৰকাশ মহানন আৰু সদাগৰ তাঁতী বুলি জানিব পৰা গৈছে ৷ দুৰ্ঘটনাগ্ৰস্ত বাইক আৰু অট’খনৰ নম্বৰ ক্ৰমে AS23 AD3208 আৰু AS23BC5612 ৷

তথ্য অনুসৰি, দেওবাৰে নিশা ডুমডুমাৰ টিপুকৰ 37 নং ৰাষ্ট্ৰীয় ঘাইপথত এই দুৰ্ঘটনা সংঘটিত হয় ৷ আহত দুয়োজন বাইক আৰোহী আছিল আৰু তেওঁলোকৰ ঘৰ তাৰা বাগানত বুলি জানিব পৰা গৈছে ৷ ইফালে আহত যুৱকদ্বয়ক উন্নত চিকিৎসাৰ বাবে ডিব্ৰুগড়ৰ অসম চিকিৎসা মহাবিদ্যালয়লৈ প্ৰেৰণ কৰা হৈছে  ৷

লগতে পঢ়ক:ডিৰাকৰ ভাৰতীয় সেনা বাহিনীৰ শিৱিৰৰ সন্মুখত কোনে নিক্ষেপ কৰিছিল গ্ৰেণেড ?