কোকৰাঝাৰত উদযাপন কৰা হ’ল 75 সংখ্যক স্বাধীনতা দিৱস

ক’ভিড প্ৰট’কল মানি কোকৰাঝাৰতো স্বাধীনতা দিৱস উদযাপন ৷ কোকৰাঝাৰ চৰকাৰী উচ্চতৰ মাধ্যমিক আৰু বহুমুখী বিদ্যালয়ৰ খেলপথাৰত দেশৰ 75 সংখ্যক স্বাধীনতা দিৱসত ৰাষ্ট্ৰীয় পতাকা উত্তোলন কৰে বিটিআৰৰ মুখ্য কাৰ্যবাহী সদস্য প্ৰমোদ বড়োৱে ৷ বড়োৱে পতাকা উত্তোলন কৰি অসম আৰক্ষী জোৱান সকলৰৰ কুচকাৱাজ অভিবাদন গ্ৰহণ কৰে ৷ পিছত স্বাধীনতা দিৱস উপলক্ষে ৰাইজক দিয়া ভাষণত দেশৰ হকে আত্মবলিদান দিয়া শ্বহীদ বীৰ সকলক শ্ৰদ্ধাৰে সোঁৱৰণ কৰে ৷ নিজৰ ভাষণত বিটিআৰত বসবাস কৰা সকলো জাতি-জনগোষ্ঠীক শান্তি-সম্প্ৰীতি আৰু ভাতৃত্ববোধ অটুট ৰখাৰ আহ্বান জনায় প্ৰমোদ বড়োৱে ৷ তেওঁ বড়োভূমিত মূল সূঁতিলৈ অহা যুদ্ধবিৰত সকলো বিদ্ৰোহী সংগঠনক অসম আৰু ভাৰত চৰকাৰে আলাপ আলোচনাৰ দ্বাৰা তেওঁলোকৰ সমস্যাৰ স্থায়ী সমাধানৰ আহ্বান জনায় ৷