বৰ্ণাঢ্য কাৰ্যসূচীৰে আৰম্ভ শ্ৰীমন্ত শংকৰদেৱ সংঘৰ নাহৰকটীয়া অধিৱেশন

হৰিনামৰ ধ্বনিৰে মুখৰিত হৈ পৰিছে নাহৰকটীয়াৰ শ্ৰীমন্ত শংকৰদেৱ সংঘৰ বাৰ্ষিক অধিৱেশনস্থলী ৷ শুকুৰবাৰৰ পৰাই বৰ্ণাঢ্য কাৰ্যসূচীৰে আৰম্ভ হৈছে ৰাঙলীপথাৰৰ ককা বাগ্মীবৰ নীলমণি ফুকন সমন্বয় ক্ষেত্ৰত অনুষ্ঠিত শ্ৰীমন্ত শংকৰদেৱ সংঘৰ ৯১ সংখ্যক বাৰ্ষিক অধিৱেশন(91st Annual Session of srimanta Sankardev Sangha) ৷ ইতিমধ্য ৰাজ্যৰ ভিন্ন প্ৰান্তৰ পৰা অহা ভকত বৈষ্ণৱ, তথা আবাল বৃদ্ধা বনিতাৰে সমাগম ঘটিছে এই অধিৱেশনস্থলীত ৷ শ্ৰীমন্ত শংকৰদেৱৰ সৃষ্টিৰাজি বিশ্ববাসীৰ আগত পৰিচয় কৰাই দিয়াৰ উদ্দেশ্যে তিনিদিনীয়াকৈ অনুষ্ঠিত কৰা হ'ব এই অধিৱেশন ৷