যদি আমি অযোগ্য, সাক্ষাৎকাৰ লৈ কিয় বাচনি কৰিছিল ? শিক্ষামন্ত্ৰীৰ বিৰুদ্ধে ক্ষোভ - Teachers Day 2024

জোনাই, ৬ ছেপ্টেম্বৰ : সমগ্ৰ দেশজুৰি বৃহস্পতিবাৰে শিক্ষক দিৱস উদযাপন কৰাৰ সময়তেই জোনাইৰ চিমেন চাপৰিত শিক্ষয়িত্ৰীৰ প্ৰতিবাদ ৷ শিক্ষামন্ত্ৰী ডাঃ ৰণোজ পেগুৱে কৰা এক মন্তব্য়ৰ প্ৰতিবাদত কৰিলে শ্ৰেণী বৰ্জন । পবিত্ৰ শিক্ষক দিৱসৰ দিনাই এই দিৱস বৰ্জন কৰি শিক্ষয়ত্ৰীসকলে ক’লা বেজ পৰিধান কৰি বিদ্যালয়ৰ চৌহদত সাব্যস্ত কৰিলে প্ৰতিবাদ ।

উল্লেখ্য় যে যোৱা ২ ছেপ্টেম্বৰত গুৱাহাটীত নিযুক্তি পত্ৰ বিতৰণ অনুষ্ঠানত শিক্ষামন্ত্ৰী ডাঃ ৰণোজ পেগুই কস্তুৰবা গান্ধী বালিকা বিদ্যালয়ৰ শিক্ষয়িত্ৰীসকলক অযোগ্য শিক্ষক বুলি মন্তব্য় কৰিছিল । ইয়াৰ পিচতেই জাঙুৰ খাই উঠে কস্তুৰবা গান্ধী বালিকা বিদ্যালয়ৰ শিক্ষয়িত্ৰীসকল । শিক্ষামন্ত্ৰী এই মন্তব্যৰ প্ৰতিবাদ জনাই কস্তুৰবা গান্ধী বালিকা বিদ্যালয়ৰ শিক্ষয়িত্ৰীসকলে বৰ্জন কৰে শিক্ষক দিৱসৰ কাৰ্যসূচী ।

এই প্ৰতিবাদস্থলীৰ পৰাই বিদ্যালয়খনৰ শিক্ষয়িত্ৰীসকলে মুখ্যমন্ত্ৰী আৰু শিক্ষামন্ত্ৰীক প্ৰশ্ন কৰি কয়, "যদি আমি অযোগ্য, তেনেহ'লে আমাক সাক্ষাৎকাৰ লৈ কিয় বাচনি কৰিছিল ?"

লগতে পঢ়ক:শিক্ষক দিৱসৰ দিনাই ক'লা বেজ পৰিধান কৰি প্ৰতিবাদ - Teachers Day 2024