যোৰহাটত ভোটাধিকাৰ সাব্যস্ত কৰিবলৈ ওলাই আহিল চাহ শ্ৰমিক - Lok Sabha Election 2024

যোৰহাট,১৯ এপ্ৰিল: যোৰহাটতো আজি দেখা যায় ভোটদাতাৰ বিপুল সঁহাৰি । ভোটাধিকাৰ সাব্যস্ত কৰিবলৈ ওলাই আহিল চাহ শ্ৰমিকসকল । প্ৰথমবাৰৰ বাবে ভোটাধিকাৰ সাব্যস্ত কৰি উফুল্লিত নতুন প্ৰজন্ম । বতৰ ফৰকাল হোৱাৰ লগে লগে ভোটগ্ৰহণ কেন্দ্ৰত ভোটদাতা ৰাইজৰ সঁহাৰি উৎসাহজনক দেখিবলৈ পোৱা যায় । যোৰহাট চিনামৰা চাহ বাগিচা অঞ্চলৰ চাহ অধ্যুষিত অঞ্চলত থকা চিনামৰা টি ই মজুদৰ ক্লাৱ ভোটগ্ৰহণ কেন্দ্ৰত পুৱাৰে পৰা শ্ৰমিকসকলে শাৰী পাতি ভোটাধিকাৰ সাব্যস্ত কৰা পৰিলক্ষিত হয় ।  

অতি শৃংখলাবদ্ধভাৱে পুৰুষ-মহিলা সকলোৱে নিজৰ নিজৰ গণতান্ত্ৰিক অধিকাৰ সাব্যস্ত কৰে । কোনো বেমেজালি আৰু কোনো ধৰণৰ অপ্ৰীতিকৰ পৰিস্থিতি যাতে সৃষ্টি নহয় তাৰ বাবে নিৰাপত্তাৰক্ষী নিয়োগ কৰা হয় । আনহাতে প্ৰথমবাৰৰ বাবে গণতান্ত্ৰিক অধিকাৰ সাব্যস্ত কৰি নৱপ্ৰজন্ম অধিক উৎসাহিত পৰা পৰিলক্ষিত হয় । ১৪ নং যোৰহাট লোকসভা সমষ্টি বৰ্তমান সকলোৰে বাবে কেন্দ্ৰবিন্দু হৈ পৰিছে । কাৰণ যোৰহাট লোকসভা সমষ্টিৰ পৰা এইবাৰ প্ৰতিদ্বন্দ্বিতা কৰিছে কংগ্ৰেছৰ প্ৰাৰ্থী তথা বিৰোধী দলৰ উপ-দলপতি গৌৰৱ গগৈ আৰু বৰ্তমানৰ সাংসদ বি জে পিৰ তপন কুমাৰ গগৈয়ে । 

লগতে পঢ়ক: স্বতস্ফুৰ্তভাৱে ওলাই আহিছে ভোটাৰ ৰাইজ, ঠায়ে ঠায়ে ই ভি এমৰ বিসংগতি - LOK SABHA ELECTION 2024