কলিয়াবৰত পৃথক পৃথক পথ দুৰ্ঘটনাত প্ৰথম শ্ৰেণীৰ ছাত্ৰীসহ নিহত এজন - Road accident in Kaliabor

কলিয়াবৰ, ৪ মে': কলিয়াবৰৰ আখিৰঙাত যোৱা ২৪ ঘন্টাৰ ভিতৰত সংঘটিত পৃথক পৃথক পথ দুৰ্ঘটনাত এগৰাকী প্ৰথম শ্ৰেণীৰ ছাত্ৰী আৰু এজন যুৱকৰ মৃত্য়ু হয় । এই শোকাবহ দুৰ্ঘটনাত হাটবৰ-বামুণী সংযোগী পথত ইটাভৰ্তি বাহনৰ খুন্দাত থিতাতে নিহত কণমানি ছাত্ৰীগৰাকী । নিহত ছাত্ৰীৰ নাম নিকিতা শইকীয়া । কলিয়াবৰ শিশু নিকেতনৰ প্ৰথম শ্ৰেণীত অধ্যয়নৰত আছিল ছাত্ৰীগৰাকী । বিদ্যালয়ৰ পৰা ঘৰলৈ উভতি অহাৰ পথতে এই শোকাৱহ ঘটনাটো সংঘটিত হয় ।

ঘৰৰ সন্মুখত টেম্পোৰ পৰা নামি ৰাস্তা পাৰ হওঁতেই এ এছ ০৫ এ চি ৫০০১ নম্বৰৰ বাহনখনে খুন্দিয়ায় ছাত্ৰীগৰাকীক । দুৰিঘটনাটো সংঘটিত কৰিয়েই বাহনখনে উজনিৰ দিশে পলায়ন কৰে যদিও জখলাবন্ধা থানাৰ আৰক্ষীয়ে জব্দ কৰে বাহনখন ।

আনহাতে, যোৱা নিশা কলিয়াবৰৰ আমবাগানৰ দেবলতলত সংঘটিত হয় আন এক ভয়ংকৰ পথ দুৰ্ঘটনা । নিশা প্ৰায় ১২.১০ বজাত বিয়াৰ পৰা উভতি অহাৰ সময়তেই মাজবাটত সংঘটিত হয় ভংয়কৰ পথ দুৰ্ঘটনাটো । এ এছ ০২ এ এম ৭৬৫৮ নম্বৰৰ বাইকখন দুৰ্ঘটনাগ্ৰস্ত হোৱাৰ পিচত আহত বাইক চালকক চিকিৎসালয়লৈ প্ৰেৰণ কৰা হয় যদিও যুৱকজনৰ মৃত্য়ু হয় ।

লগতে পঢ়ক:অভিশপ্ত শুকুৰবাৰ : ৰাজ্যৰ ভিন্ন প্ৰান্তত চাৰিজনৰ মৃত্যু, এজন সন্ধানহীন - Accident In Assam