Published : Apr 20, 2024, 7:12 PM IST
আবকাৰী বিভাগে জব্দ কৰিলে বৃহৎ পৰিমাণৰ বিলাতী সুৰা - Lok Sabha Election 2024
চিৰাং,২০ এপ্ৰিল: চিৰাঙত বৃহৎ পৰিমাণৰ বিলাতী সুৰা জব্দ । নিৰ্বাচনী আচৰণবিধি বলবৎ হৈ থকাৰ সময়তে চিৰাঙৰ ভূটান সীমান্তৰ ৰুনিখাতা অঞ্চলত বঙাইগাঁও, চিৰাং আৰু কোকৰাঝাৰ জিলা আবকাৰী বিভাগৰ যৌথ অভিযানত প্ৰায় ৪ কোটি টকাৰ চোৰাং বিলাতী সুৰা জব্দ । ভূটানৰ পৰা তিনিটা কন্টেইনাৰত অসম হৈ দিল্লীলৈ গৈ আছিল কন্টেইনাৰ তিনিখন । কন্টেইনাৰ কেইখন ক্ৰমে RJ52-GA3533, NL-01AS-5500 আৰু NL-01AB-7197। তিনিখন কন্টেইনাৰেৰে ৩১৩০ কাৰ্টন বিলাতী সুৰা সৰবৰাহ কৰিবলৈ লওতে আবকাৰী বিভাগে জব্দ কৰে সুৰাখিনি ।
যোৱা ১৫ দিনত চিৰাং, কোকৰাঝাৰ আৰু বঙাইগাঁও জিলাত ১১ টা অবৈধ বিলাতী সুৰাভৰ্তি কন্টেইনাৰ জব্দ কৰিবলৈ সক্ষম হৈছে আবকাৰী বিভাগে । লোকসভা নিৰ্বাচনৰ নিৰ্বাচনী আচৰণবিধি বলবৎ থকা সময়ত এইদৰে বিলাতী সুৰা জব্দ আবকাৰী বিভাগৰ বাবে বৃহৎ সফলতা। নিৰ্বাচনত ভোটাৰৰ মাজত বিলাবলৈ এইসমূহ সুৰা ভূটানৰ পৰা লোৱা হৈছিল নেকি তাতো সন্দেহৰ অৱকাশ আছে ।