বঙাইগাঁৱৰ টেন্টনপুৰত আই নৈৰ খহনীয়াত সৰ্বহাৰা নৈপৰীয়া - Assam Flood 2024
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jul 13, 2024, 2:07 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/13-07-2024/640-480-21939165-thumbnail-16x9-bng-aspera.jpg)
বঙাইগাঁও, ১৩ জুলাই: আই নৈয়ে কালৰূপ ধাৰণ কৰিছে বঙাইগাঁও জিলাত । আই নৈৰ খহনীয়াৰ কবলত পৰিছে বিস্তীৰ্ণ অঞ্চলৰ ৰাইজ । বঙাইগাঁও জিলাৰ সৃজনগ্ৰাম ৰাজহ চক্ৰৰ অন্তগৰ্ত টেন্টনপুৰতো অব্যাহত আছে আই নৈৰ ভয়াবহ খহনীয়া । যোৱা ৬ টা দিনত গৃহহীন হৈছে প্ৰায় ৩০ টা পৰিয়াল । শনিবাৰে পুৱাৰ পৰা পুনৰ ৩ টা পৰিয়ালৰ বাসগৃহ নৈৰ বুকুত বিলীন হৈছে । নৈৰ বুকুত বিলীন হৈছে শশ বিঘা কৃষিভূমি ।
খহনীয়াত ক্ষতিগ্ৰস্ত লোকসকলে অস্থায়ীভাৱে আশ্ৰয় লৈছে নিৰাপদ স্থানত । ইয়াৰ পিচতো জিলা প্ৰশাসন, জলসম্পদ বিভাগ তথা স্থানীয় বিধায়ক আব্দুল বাতিন খন্দকাৰে খবৰ নোলোৱাৰ অভিযোগ ক্ষতিগ্ৰস্ত ৰাইজৰ । মৰমৰ ঘৰখন হেৰুৱাই কান্দোনত ভাগি পৰিছে ক্ষতিগ্ৰস্ত লোকসকল । শীঘ্ৰেই অঞ্চলটোৰ খহনীয়া প্ৰতিৰোধৰ বাবে মুখ্যমন্ত্ৰী লৈ আহ্বান জনাই ক্ষতিগ্ৰস্ত ৰাইজে ।