وزیراعظم نریندر مودی نے بھارت یو اے ای تعلقات پر عربی میں کیا کہا؟

وزیراعظم نریندر مودی نے اپنے یو اے ای دورے کے دوارن بھارتی کمیونٹی سے خطاب کرتے وقت بھارت اور متحدہ عرب امارات (یو اے ای) کے درمیان دو طرفہ تعلقات کو اجاگر کرنے کے لیے عربی میں چند جملے بولے۔ ابوظہبی میں ’اھلا مودی‘ تقریب کے دوران خطاب کرتے ہوئے وزیر اعظم نے عربی میں کہا کہ بھارت اور متحدہ عرب امارات ایک بہتر تقدیر لکھ رہے ہیں۔ بھارت اور متحدہ عرب امارات کی دوستی ہماری مشترکہ دولت ہے اور حقیقت میں ہم ایک روشن مستقبل کی شاندار شروعات کر رہے ہیں۔ وزیر اعظم نے کہا کہ ہمارے دونوں ملکوں کے درمیان صدیوں کا رشتہ ہے۔ واضح رہے کہ پی ایم مودی نے اس دوران ابو ظہبی میں پہلے ہندو مندر کا باقاعدہ افتتاح بھی کیا۔