مہاراشٹر میں محکموں کی تقسیم، ہوم سمیت یہ محکمے وزیراعلی فڑنویس کے پاس، جانیے اجیت اور شندے کو کیا ملا

مہاراشٹر کے وزیراعلیٰ دیویندر فڑنویس نے محکمہ داخلہ، قانون اور عدلیہ کو اپنے پاس رکھا ہے۔

مہاراشٹر: مہاراشٹر میں دیویندر فڑنویس حکومت میں وزراء کے درمیان محکموں کو تقسیم کیا گیا ہے۔ سی ایم فڑنویس کے پاس محکمہ داخلہ ہوگا۔ ساتھ ہی سی ایم فڑنویس کے پاس محکمہ قانون و انصاف، جنرل ایڈمنسٹریشن ڈپارٹمنٹ کے ساتھ ساتھ انفارمیشن اینڈ پبلسٹی ڈیپارٹمنٹ کی ذمہ داری بھی ہوگی۔

جبکہ ڈپٹی سی ایم ایکناتھ شندے کو شہری ترقی، ہاؤسنگ اور پبلک ورکس (پبلک انٹرپرائزز) جیسے محکمے دیے گئے ہیں۔ وہیں ڈپٹی سی ایم اجیت پوار کو محکمہ خزانہ اور منصوبہ بندی کے محکمے کی ذمہ داری دی گئی ہے۔ چندر شیکھر باونکولے کو محکمہ ریونیو کی ذمہ داری ملی ہے۔

کس کو کیا ذمہ داری ملی، مکمل فہرست یہاں دیکھیں:

Maharashtra Portfolio Allocation | CM Devendra Fadnavis gets Home Ministry; Law & Judiciary

Deputy CM Eknath Shinde gets Urban Development & Housing and Public Works.

Deputy CM Ajit Pawar gets Finance & Planning and Excise dept pic.twitter.com/49EzXijvkd

— ANI (@ANI) December 21, 2024

اہم محکمے سی ایم فڑنویس پاس:

سی ایم دیویندر فڈنویس مہاراشٹر کابینہ میں توانائی (قابل تجدید توانائی کے علاوہ)، قانون اور عدلیہ، جنرل ایڈمنسٹریشن اور اطلاعات اور پبلسٹی جیسے اہم محکموں کے ساتھ اقتدار کا ایک اہم حصہ اپنے پاس رکھا ہے۔ وہیں نائب وزیر اعلیٰ اجیت پوار مالیات اور منصوبہ بندی کے علاوہ ریاستی محکمہ آبکاری کی بھی دیکھ بھال کریں گے۔

دھننجے اور پنکجا منڈے کو یہ ذمہ داری ملی:

دھننجے منڈے کو خوراک اور شہری رسد کے محکمے کی ذمہ داری دی گئی ہے، پنکجا منڈے کو ماحولیات اور حیوانات کے محکمے کی ذمہ داری دی گئی ہے، ادے سمنت کو صنعت کے محکمے کی ذمہ داری دی گئی ہے، مانیکراؤ کوکاٹے کو محکمہ زراعت کی ذمہ داری دی گئی ہے۔ وہیں جیے کمار گور کے پاس دیہی ترقی کے محکمے کی ذمہ داری ہوگی۔ جبکہ گلاب راؤ پاٹل کو پانی کی فراہمی کا محکمہ، ادیتی تٹکرے کو خواتین اور بچوں کی ترقی کا محکمہ، سنجے شرسات کو سماجی انصاف کا محکمہ سونپا گیا ہے۔

گنیش نائک محکمہ جنگلات اور دادا بھوسے اسکولی تعلیم کے انچارج:

چندرکانت پاٹل کو اعلیٰ اور تکنیکی تعلیم کی ذمہ داری دی گئی ہے، گنیش نائک کو محکمہ جنگلات کی ذمہ داری دی گئی ہے، دادا بھوسے کو اسکولی تعلیم کی ذمہ داری دی گئی ہے۔ وہیں رادھا کرشن وکھے پاٹل کو آبی وسائل، حسن مشرف کو میڈیکل ایجوکیشن کا محکمہ دیا گیا ہے، اشوک اوئیکے کو قبائلی ترقی کا محکمہ دیا گیا ہے۔

انتخابات میں مہایوتی کو زبردست جیت ملی:

سی ایم فڈنویس، ڈپٹی سی ایم ایکناتھ شندے اور اجیت پوار نے 5 دسمبر کو حلف لیا اور 15 دسمبر کو سرمائی اجلاس سے پہلے 39 وزراء نے حلف لیا۔ آپ کو بتاتے چلیں کہ بی جے پی، شیوسینا اور نیشنلسٹ کانگریس پارٹی پر مشتمل اتحاد نے اسمبلی انتخابات میں 288 میں سے 230 سیٹیں کر بھاری اکثریت حاصل کی تھی۔