చేపల వేటకు వెళ్లి ఒకే కుటుంబంలోని ముగ్గురు దుర్మరణం

Three Brothers Died After Fell in a Lake in Adilabad : ఆదిలాబాద్‌ జిల్లా పొచ్చర వాగులో చేపల వేటకు వెళ్లిన ముగ్గురు అన్నదమ్ముళ్లు వాగులో మునిగి దుర్మరణం పాలయ్యారు. వీరిలో ఒకరి మృతదేహం లభ్యం కాగా ఇంకా ఇద్దరి మృతదేహాల కోసం పోలీసులు గాలిస్తున్నారు. హైదరాబాద్‌లో కూలీ పనులు చేసుకునే వీరంతా తాంసి మండలం బండల్‌నాగాపూర్‌లో ఉంటున్న తల్లిదండ్రులను కలిసేందుకు రెండు రోజుల కిందట వచ్చారు. సమీపంలోని పొచ్చర వాగులో చేపలు పట్టేందుకు దిగి గల్లంతయ్యారు.

సమాచారం అందుకొని రంగంలోకి దిగిన ఎన్‌డీఆర్‌ఫ్‌ బృందాలు గల్లంతైన వారికి కోసం గాలింపు చర్యలు చేపట్టగా ఒకరి మృతదేహం లభ్యమైంది. మిగిలిన ఇద్దరి కోసం గాలింపు చర్యలు కొనసాగుతున్నాయి. అంతా ఒకే కుటుంబం వారు కావడంతో సభ్యుల రోదనలు మిన్నంటాయి. చుట్టు పక్కల గ్రామాల వారు ఘటన స్థలానికి భారీగా చేరుకున్నారు.