ఎమ్మెల్యే రాజాసింగ్‌ను ఫోన్‌లో బెదిరించిన వ్యక్తి అరెస్ట్‌

Arrest of MLA Raja singh Phone call Accused : గోశామహల్ ఎమ్మెల్యే రాజాసింగ్​ను చంపేస్తామంటూ గతంలో బెదిరింపులకు పాల్పడిన వ్యక్తిని హైదరాబాద్ సైబర్ క్రైమ్ పోలీసులు అరెస్ట్ చేశారు. గత ఏడాది అక్టోబర్ నెలలో ఓ అఘాంతకుడు ఫోన్ చేసి బెదిరింపులకు పాల్పడుతున్నట్లు రాజాసింగ్ సైబర్ క్రైమ్ పోలీసులకు ఫిర్యాదు చేశాడు. కేసు నమోదు చేసుకున్న పోలీసులు అఘాంతకుడు ఫోన్ నెంబర్ ఆధారంగా దర్యాప్తు చేపట్టగా హైదరాబాద్ చాంద్రాయణగుట్ట ప్రాంతానికి చెందిన మహ్మద్ వసీం (40) దుబాయ్ నుంచి ఈ కాల్ చేసినట్లు గుర్తించారు.

అతడిపై ఐపీసీ 506, 507 సెక్షన్ లపై కేసు నమోదు చేసి లుకౌట్ నోటీసులు జారీ చేశారు. దీంతో దుబాయ్ నుంచి హైదరాబాద్ ఎయిర్​పోర్ట్​ వచ్చిన నిందితుడిని ఇమ్మిగ్రేషన్ అధికారులు కస్టడీలోకి తీసుకొని సైబర్ క్రైమ్ పోలీసులకు అప్పగించారు. పోలీసులు అతనిని అరెస్ట్ చేసి విచారిస్తున్నారు.