తెలంగాణకు రెయిన్​ అలర్ట్ - మూడు రోజుల పాటు తేలికపాటి వర్షాలు

IMD Weather Report in Telangana : రాష్ట్రంలో మూడు రోజుల పాటు ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్​ వాతావరణ కేంద్రం తెలిపింది. ఆవర్తనం ఒకటి పశ్చిమ-మధ్య పరిసర నైరుతి బంగాళాఖాతంలో సగటు సముద్ర మట్టానికి 3.1 నుంచి 5.8 కిలోమీటర్ల ఎత్తు మధ్యలో కేంద్రీకృతమైందని పేర్కొంది. ఈ నెల 21న ఉత్తర అండమాన్​ సముద్రం పరిసర ప్రాంతాలలో చక్రవాతపు ఆవర్తనం ఒకటి ఎగువ గాలులలో ఏర్పడి, వాయువ్య దిశగా కదిలే అవకాశం ఉందని వెల్లడించింది. దీని ప్రభావంతో వాయువ్య దాని పరిసర మధ్య బంగాళాఖాతంలో ఈనెల 23న అల్ప పీడనం ఏర్పడే అవకాశం ఉందని వివరించింది.