'పెంట్లవెల్లిలోని 499 మందిలో ఒక్కరికీ రుణమాఫీ కాలేదు - సీఎం బూటకపు మాటలకు ఇదే సజీవ సాక్ష్యం'

KTR Latest Tweet on Runamafi : నాగర్ కర్నూల్ జిల్లా పెంటవెల్లిలో 499 మంది రైతుల్లో ఒక్కరికి కూడా రుణమాఫీ కాకపోవటం శోచనీయమని మాజీ మంత్రి కేటీఆర్ అన్నారు. రుణమాఫీ పూర్తి చేశామని గొప్పలు చెప్పుకుంటున్న సీఎం మాటలు బూటకం అని చెప్పటానికి ఇది సజీవ సాక్ష్యమని ఎక్స్​ వేదికగా పోస్ట్ చేశారు.

డిసెంబర్ నుంచి 15 ఆగస్టు దాకా డెడ్ లైన్లు పెట్టిన సీఎం, ఇప్పటి వరకు వీరికి రుణమాఫీ ఎందుకు కాలేదో సమాధానం చెప్పాలని కేటీఆర్​ డిమాండ్ చేశారు. పావు శాతం కూడా మాఫీ చేయకుండా వందశాతం అయిపోయినట్టు చెబుతున్నారని ఎద్దేవా చేశారు. ముఖ్యమంత్రికి నిజంగా చిత్తశుద్ధి ఉంటే ఇకనైనా వెంటనే పెంట్లవెల్లి రైతుల గోడు తీర్చాలని కోరారు.