యాదాద్రి థర్మల్ పవర్ స్టేషన్‌ - దేశ చరిత్రలో ఇది అసామాన్య విజయగాథ : కేటీఆర్

KTR Tweet on Yadadri Thermal Power Plant : నల్గొండ జిల్లాలోని యాదాద్రి థర్మల్ పవర్ స్టేషన్‌లో రెండు యూనిట్ల బాయిలర్ లైట్‌ గురించి పంచుకోవడం ఆనందంగా ఉందని మాజీ మంత్రి, బీఆర్ఎస్‌ కార్యనిర్వాహక అధ్యక్షుడు కేటీఆర్‌ పేర్కొన్నారు. కేసీఆర్ ముందు చూపునకు యాదాద్రి థర్మల్‌ పవర్ స్టేషన్‌ అద్భుతమైన ఉదాహరణనని అన్నారు. మన దేశంలో 4,000ల మెగావాట్లతో తెలంగాణ ప్రభుత్వ ఆధ్వర్యంలో నడిచే అతిపెద్ద థర్మల్‌ ప్లాంట్‌ వైటీపీఎస్ అని చెప్పారు. గత గులాబీ పార్టీ సర్కార్ దీని నిర్వహణను బీహెచ్‌ఈఎల్‌కు అప్పగించిందని గుర్తు చేశారు. ఈ అంచనా విలువ సుమారుగా రూ.20,400 కోట్లని తెలిపారు. మన దేశ చరిత్రలో ఇది అసామాన్య విజయగాథని కేటీఆర్ ఎక్స్ వేదికగా పోస్ట్ చేశారు.