రైలులో ప్రసవించిన మహిళ - సకాలంలో స్పందించి వైద్యం అందించిన 108 సిబ్బంది

A Woman Delivered in Train Bhuvanagiri : రైలులో ఓ మహిళ ప్రసవించిన ఘటన యాదాద్రి భువనగిరి జిల్లాలో చోటు చేసుకుంది. యశ్వంత్​పూర్ నుంచి గోరఖ్ పూర్ వెళ్తున్న రైలులో బిహార్​కు చెందిన హీనా కాతూన్(22)కు పురిటినొప్పులు వచ్చాయి. భువనగిరి రైల్వే స్టేషన్ సమీపంలోకి రాగానే ఆమెకు నొప్పులు ఎక్కువవడంతో స్థానిక రైల్వే స్టేషన్​ గవర్నమెంట్ రైల్వే పోలీసు( జీఆర్​పీ )సిబ్బందికి సమాచారం అందించారు.

వెంటనే అప్రమత్తమై అంబులెన్స్​కు కాల్ చేశారు. అప్పటికే మహిళ రైలులోనే పండంటి ఆడ బిడ్డ కు జన్మనిచ్చినట్లు అంబులెన్స్ సిబ్బంది తెలిపారు. తల్లీబిడ్డలను 108 వాహనం​లో భువనగిరి జిల్లా ఆసుపత్రికి తరలించారు. ప్రస్తుతం శిశువును ఐసీయూలో ఉంచి చికిత్స అందిస్తున్నారు. బాలింత, శిశువు క్షేమంగా ఉన్నారని వైద్యులు తెలిపారు.